1-ЙЎНАЛИШ
Жаҳон манзараси илмий асосида ўқувчилар дунёқарашларини шакллантириш:
а) V-VII синфларда - табиат ва жамиятдаги ҳодисалар сабабиятини ва улар орасидаги алоқадорликларни тушунмоқ, жонли ва жонсиз табиатнинг турли кўринишлари ва унда инсонни тутган ўрни.
б) VIII-XI синфларда - ўқувчиларда қуйидаги тушунчалар шакллантирилади:
- табиат ва жамият тарихининг бир бутунлиги тўғрисидаги тасаввур;
- табиат қонунларининг бирламчилиги ва унда инсонни тутган ўрни;
- инсонни табиатга таъсир этиш характери ва унинг табиат муҳитига боғлиқлиги;
- инсон ҳаётида табиий ва ижтимоий омилларнинг тутган роли.
II-ЙЎНАЛИШ
Ўқувчиларга ғоявий - сиёсий ва ҳуқуқий тарбия бериш:
а) V-VII синфларда - ўқувчиларни Ўзбекистан Республикасининг табиатни қўриқлаш тўғрисидаги қонунлари билан таништириш, Ўзбекистан Республикасида табиатни қўриқлаш шароитларининг ўзига хос хусусиятлари, табиат умумхалқ бойлиги эканлиги тушунчаларини, ўқувчиларда "халқ", "Ватан", "табиат" тушунчаларини бевосита узвий алоқадорлигини илмий хулосага келтириш.
б) VIII-XI синфларда Ўзбекистан Республикаси Конституциясининг 50-моддасидаги: "Фуқаролар атроф табиий муҳитга эҳтиёткорона муносабатда бўлишга мажбурдирлар" деган қонунига қатъий бўйсунишлари шарт, Ўзбекистан Республикаси ҳукуматининг табиий муҳитни сақлаш тўғрисидаги сиёсатининг моҳияти билан системали таништириб бориш, табиат-теварак муҳитни сақлаш - умумбашарий муаммо, унинг ечимида иштирок этиш ҳар бир инсоннинг муқаддас бурчидир деган аҳлоқий бурчга содиқ бўлиш.
III - ЙЎНАЛИШ
Меҳнат ва иқтисодий тарбия:
а) V-VII синфларда иқтисодий жиҳатдан ўз меҳнатини тўғри ташкил этиш маҳоратини тарбиялаш, атроф муҳитни ифлосланишдан ҳимоя қилишга бағишланган ижтимоий ишлаб чиқариш меҳнатларида фаол иштирок этиш, табиий муҳит ҳолатини аниқлаш кўникмаларини, унга таъсир кўрсатиш ва ҳолатини яхшилаш бўйича зарур тадбирлар қўллаш кўникмаларини тарбиялаш, "инсон - техника - муҳит" бирлиги тушунчасидан келиб чиқиб табиий материаллар, хом ашёлар ва энергияни оқилона ишлатиш ва қўллаш кўникмаларини тарбиялаш.
б) VIII-XI синфларда меҳнат инсон билан табиат ўртасидаги моддалар алмашувига ўхшаш узлуксиз жараён эканлигини тушунтириб бориш, инсонни табиатга таъсир этишдаги қарама-қарши меҳнат фаолиятини амалий жиҳатдан унга ижобий таъсир этадиган энг қулай, оптимал томонларини ривожлантириб бориш, инсонни - табиатга салбий таъсир этишини енгиш ва шундай ҳаракатларини олдини олишда фаол иштирок этдириш, ниҳоят ижтимоий бойликларимиз меҳнат туфайли фақатгина табиат ҳисобидан яратилажагини ёш авлодга системали равишда сингдириб боришимиз керак.
Do'stlaringiz bilan baham: |