3-mavzu. Mol qoni tavsifi, ishlov berish texnologiyasi va ishlatilishi Reja

3.3.4. Qon plazmasini konsentrlash
Qon plazmasida ko‘p miqdorda suv borligi sababli uni ayrim turdagi go‘sht mahsulotlari tayyorlashda ishlatish imkoniyatini chegaralaydi. Plazmani yoki zardobni ultrafiltratsiya usuli bilan konsentrlash perspektiv hisoblanadi.
Ultrafiltratsion qurilmalar yarim o‘tkazgich membranalardan iborat bo‘lib, g‘ovaklaridan erituvchi va past molekulali moddalar o‘tadi. Bu esa makromolekulalar konsentratsiyasini ko‘paytiradi. Jarayonning harakatlantiruvchi kuchi 1x10⁵ Pa bosimning o‘zgarib turishi hisoblanadi. Jarayon atrof muhit haroratida o‘tkazilishi sababli oqsilning birlamchi xossalari saqlanib qoladi. Ultrafiltratsiyani ko‘llash plazmadagi oqsillar konsentratsiyasini 20% ko‘tarishi bilan birga birlamchi xossalari ham saqlanadi. Ultrafiltratsiyani quritish bilan birga olib borish energiya xarajatini kamaytiradi va quritilgan mahsulot sifati yaxshilanadi.
Takrorlash uchun savollar:
1. Mol qonini tavsiflang.
2. Oziqaviy va davolovchi preparatlar tayyorlashda qanday qon ishlatiladi?
3. Yemish, un va texnik mahsulot tayyorlashda qanday qon ishlatiladi?
4. Ajraladigan qon miqdori nimaga bog‘liq?
5. Qon nega stabillashtiriladi?
6. Qon qanday defibrinlanadi?
7. Qon qanday separatsiyalanadi?
8. Qon oqisilini koagulyatsion cho‘ktirish asosida ajratishni tavsiflang.
9. Qon va komponentlari qanday konservalanadi?
10. Qon qanday rangsizlantiriladi?
11. Qonni quritishni tavsiflang.