3-mavzu. Lotin amerikasi mamlakatlari XVII-XIX asrlarda r e j a

---

3-MAVZU. LOTIN AMERIKASI MAMLAKATLARI XVII-XIX- 
ASRLARDA 
R E J A: 
1.
Ispaniya va Portugaliyaning Lotin Amerikasidagi mustamlakachilik zulmi. 
2.
Lotin Amerikasida milliy ozodlik harakati. 
3.
Braziliyaning Portugaliya istibdodidan ozod qilinishi. 
4.
XIX asrning 50-60 yillarida Lotin Amerikasi. Meksika va Braziliya. 
Ispaniya va Portugaliyaning Lotin Amerikasidagi mustamlakachilik zulmi. 
Ispaniyaning Amerikadagi mustamlaka yerlari juda katta teritoriyani ishg’ol qilib, 
G’arbiy Luizianani, Florida va Meksikani, Vest-Indiya orollarining bir qismini, 
Markaziy Amerikaning deyarli hammasini va Janubiy Amerikaning yarmini o’z 
ichiga olgan edi. Braziliya Portugaliyaning mustamlakasi edi. Bu 
mustamlakalarning aholisi ispanlar va portugallar bilan bir qatorda xindilar ( tub 
aholi ). Afrikadan olib borilgan negrlar, metis va mulaatlardan iborat edi. 
Ma’muriy jihatdan Ispaniya Amerikasi to’rtta vise-korollikka: Yangi Ispaniya 
(Meksika va Markaziy Amerika), Yangi Grachada, Peru va La-Plata (Janubiy 
Amerika)ga bo’lingan edi. Portugaliyaning mustamlakalari Braziliya vise-
korolligini tashkil etgan edi. 
Ispaniya va Portugaliya mustamlakachilari o’zlari istilo qilgan mamlakatlarda 
feodalizmni, plantasiya xo’jaligi olib borilgan rayonlarda esa quldorlik sistemasini 
joriy qildilar: bu quldorlik sistemasi Angliyaning Shimoliy Amerikadagi 
mustamlakalari teritoriyasidagi tovar ishlab chiqarish formasining xuddi o’zginasi 
edi. Braziliyaning oltin sochmalarida va olmos konlarida qullar mehnatidan 
foydalanilardi. 
XVIII asrda Ispaniya va Portugaliyaning Amerikadagi mustamlakachilik siyosati 
tolonchilikka, bosqinchilikka, qul savdosiga, butun boshliq qabilalarni qirib 
tashlashga, xalq ommasini krepostniklargacha va quldorlarcha ekspluatasiya 
qilishga asoslangan dastlabki jamg’arish siyosati bo’lib qolaverdi. Dangal 
zo’ravonlik va zulm qilish yo’li bilan mustamlakalardan behisob boyliklar tortib 
olinardi. Ammo bu boyliklar keyin Ispaniya va Portugaliya mustamlakachilarining 

---

qo’llaridan chiqib, iqtisodiy jihatdan ancha taraqqiy etgan boshqa mamlakatlarga 
qarab ketardi.