3-мавзу. Инновацион иқтисодиётнинг илмий-услубий асослари

11.Илмий фаолият муҳим соҳа

Илмий фаолият давлат сиёсатининг энг фаол соҳаси бўлиб келган ва бундан кейин хам шундай бўлиб колади. Айтиш жоизки, илмий ғоя – бевосита хўжалик фаолиятида қўлланилиши мумкин эмас. Шунинг учун корхона (ташкилот)лар тадкикотларни молиялаштиришга секинлик билан ёндошади, унга катта эҳтиёж сезса хам.

Ҳозирги шароитда давлат бизнесни қўллаб-қувватлаш функциясини, жумладан, илмий билимлар ва ғоялар билан таъминлашни ўз зиммасига олмокда.

Айнан шунинг учун илғор мамлакатлар расмий хужжатларида илмий-техника тараққиёти ягона занжир, илмий ғоя ишлаб чиқариш, инновация – бизнесини кенг кўламда қўллаш ёки фойдаланиш сифатида каралади.

12.Инсон интеллектуал даражаси

Инсон интеллектуал билимларининг ривожланишидаги асосий ўсишлар узок муддатли ўсишнинг асосий маибаи бўлиб, дунёда кенг таркалган ва даврга хос янгиликлар деб аташ мумкин.

Инновацион ўзгаришлар амал килиш майдонига кўра инсон фаолиятининг барча соҳалари ва жамиятнинг ҳар бир жабҳасини қамраб олади. Бошланғич, энг кўп урганилган технологик инновациялар қуйидагилар ҳисобланади:

• ишлаб чиқариш янги технологик усулининг шаклланиши асосида ётувчи инновациялар;
• технологик укладлар ва техника (технология) авлодларини узгартиришга турки бўлувчи базис инновациялар;
• янги техника моделлари ва технология модификациялари ёрдамида янги бозорларни ўзлаштиришга хизмат қилувчи яхшиловчи инновациялар.

13.Фаннинг вазифаси

Фаннинг зиммасига жамиятга янги имкониятлар бериш каби асосий вазифа юклатилса, янгиликни жорий этишнинг асосий вазифаси инсонлар яшаш тарзига таъсир килишдан иборат бўлади. Демак, янгиликни жорий этиш биринчи бўлиб маҳсулот ёки хизматни қўллаш эмас, балки янги ғоя ва илмий натижаларни тижорат даражасида ўзлаштиришдир.

14.Фундаментал изланишларнинг сўнги босқичи

Инновацион жараён фундаментал изланишларнинг сўнги босқичи, яъни илмий ғоя, ихтиронинг техник амалга ошириши кўрсатилган ва янгиликнинг оммавий ишлаб чиқариш бошланиши даврини қамраб олади.