3-mavzu. Geodezik tashkilotlarda topografik-geodezik ishlarni tashkil etish, topogrofo-geodezik ishlarni ekspeditsiyalarda tashkil etish. Reja

3-MAVZU. GEODEZIK TASHKILOTLARDA TOPOGRAFIK-GEODEZIK ISHLARNI TASHKIL ETISH, TOPOGROFO-GEODEZIK ISHLARNI EKSPEDITSIYALARDA TASHKIL ETISH.

Reja:

1. Kadastr s’yomkasini tuzish uchun texnik topshiriqlar;

2. Kadastr s’yomkasini tuzish uchun texnik topshiriqlarga qo‘yiladigan talablar.
Tayanch so‘zlar: Topografik-geodezik ishlarni bajarish bo‘yicha texnik topshiriq, er uchastkasi manzili, texnikaviy topshiriq, masshtab, gorizontal kesim balandligi, koordinatalashtirish elementlari, er osti komunikatsiyalarini s’yomka qilish, topografik-geodezik hujjatlar, gorizontallar kesim balandligi, azimutni aniqlash.
O‘zbekiston Respublikasi «Davlat er kadastri to‘g‘risida» gi qonunning 21- moddasida [2] kadastr uchun suratga olish er uchastkalarning va maydonlarning chegaralarini belgilash hamda kartografiya qilish ularni kadastr xaritalari va planlarida aks etirish maqsadida hamda aerofotogeodezik va er ustida bajariladigan uslublarda topografik – geodezik ishlarni bajarish uchun belgilangan texnikaviy talablarga muvofiq er uchastkaning o‘lchamidan kelib chiqadigan masshtablarda amalga oshirilishi ko‘rsatib o‘tilgan.

Kadastr s’yomkasini tayyorlashda birinchi navbatda quyidagi topografik-geodezik materiallar [21] tayyorlanadi:

1. 
   Topografik-geodezik ishlar materallari titul varag‘i (8-rasm).
   

Unda quyidagilar aks etiriladi:

- topografik-geodezik ishlarni bajaruvchi korxona;

- kadastr s’yomkasi bajariladigan er uchastkasi manzili;

- bajaruvchi korxona ma’sul shaxslarning F.I.SH. va imzosi;

- topografiya-geodeziya bo‘limi boshlig‘ining F.I.SH. va imzosi;

- kadastr s’yomkasining bajaruvchining F.I.SH. va imzosi.

2) Tashkilot arxivida papkada, saqlanadigan materiallar ro‘yxati (9-rasm).

Kadastr s’emkasini bajarishdagi texnikaviy hujjatlarni va bajarilgan kadastr s’yomkasini tashkilot arxiviga topshirish uchun materiallar ro‘yxati tuziladi, bunda varaqlar soni va arxiv raqamlari ko‘rsatiladi. Arxivda saqlanadigan materiallar ro‘yxati ijrochi topograf tomonidan imzolanadi.

3) Topografik-geodezik ishlarni bajarish uchun texnikaviy topshiriqlar (10-rasm)

Texnikaviy topshiriqda quyidagi ma’lumotlar kiritiladi: «Ijrochi» tashkilot va «Buyurtmachi» nomi:

- ob’ektning nomi va joylashgan manzili;

- topografik-geodezik ishlarning maqsadi va vazifasi;

- topografik-geodezik ishlarning turi va hajmi;

- masshtabi, gorizontal kesim balandligi, koordinatalashtirish elementlari va boshqalar;

- er osti komunikatsiyalarini s’yomka qilish yoki mavjud s’yomkadan ko‘chirma berish;

- taqdim etiladigan topografik-geodezik hujjatlar ro‘yxati;

- ishlarni bajarish muddati;

- er uchastkasining chegarasi ko‘rsatilgan sxemani tayyorlash.

Topografik-geodezik ishlarini bajarish uchun tuzilgan texnikaviy topshiriq ishni buyuruvchi va ijrochi tomonidan familiyasi, ismi, sharifini va mansabini ko‘rsatilgan holda imzolanadi va «ijrochi» tashkilot muhri va mansabdor shaxsi tomonidan tasdiqlanadi.

4) Topografik-geodezik ishlarni bajarish dasturi (11-rasm).

Dasturga quyidagi ma’lumotlar kiritiladi:

- ish bajariladigan ob’ekt nomi;

- bajariladigan ish turlari va hajmi;

- bajarish muddati;

- bajariladigan ish murakkabligi;

- topografik-geodezik ishlar aniqligi va usullarni asoslovchi normativ hujjatlar;

- planli va balandlik koordinatalarni aniqlash sistemalari;

- kadastr s’yomkasi ishlarini narxlashda qo‘llaniladigan me’yoriy to‘plam;

- ishni mablag‘ bilan ta’minlovchi nomi.

Dastur «Ijrochi » tashkilotning muhri va mansabdor shaxs tomonidan tasdiqlanadi.

5) Topografik-geodezik ishlar o‘rganilishi (12-rasm).

Bu hujjatda quyidagilar rasmiylashtiriladi:

- kadastr s’yomkasini bajarishdagi planli va balandlik geodezik asos turi;

- kadastr s’yomkasi masshtabi;

- gorizontallar kesim balandligi;

- s’yomkani bajarish uchun tanlangan geodezik asbob turi;

- s’yomka bajarish usuli;

- tayyorlanadigan nusxalar soni;

- er osti komunikatsiyalarini s’yomka qilish usuli;

6) Buyurtmachiga beriladigan materiallar. (16-rasm).

Kadastr s’yomkasi bajarilgandan so‘ng kadastr hujjatlar to‘plamiga quyidagi materiallar kiritilib, belgilangan tartibda rasmiylashtirilib, mulk egasiga topshiriladi:

- kadastr s’yomkasidan nusxa;

- yuzani aniqlash jadvali;

- azimutni aniqlash jadvali;

- chegaralarni kelishish va berkitib berish dalolatnomasi;

Dala va kameral ishlar hamda kadastr s’yomkasining asl nusxasi bajaruvchi korxona arxiviga saqlash uchun topshiriladi.

7) Kadastr s’yomkasini bajarish tushuntirish xati (13-rasm).

Tushuntirish xatida quyidagilarga izoh beriladi:

- er uchastkasi manzili;

- qidiruv ishlarni o‘tkazishdagi topografik- geodezik ishlar to‘plami;

- ijrochining F.I.SH.;

- bajarilgan topografik-geodezik ishlar bo‘yicha izoh;

- topografik-geodezik ishlar bo‘yicha yakuniy xulosa.

8) Geodezik belgilarni topshirish (14-rasm).

Hududda olib borilgan topografik ishlar jarayonida o‘rnatilgan geodezik belgilarning va er uchastkasi chegara nuqtalarni mulk egasiga topshirish -qabul qilish dalolatnomasi orqali topshiriladi. Dalolatnoma ikki nusxada tuzilib, bajaruvchi korxona raxbari (bosh muhandisi) tomonidan imzolanib, muhrlanadi hamda ijrochi va mulk egasi tomonidan imzolanadi.

9) Texnikaviy ish (15-rasm).

Bu hujjatda quyidagilar rasmiylashtiriladi:

- ijrochi korxona nomi;

- texnikaviy ishga berilgan raqam (shifr) va sana;

- topografik s’yomka masshtabi;

- gorizontallar kesim balandligi;

- ob’ekt nomi;

- ishning boshlanishi va tugashi.

8-rasm