3 Мавзу. Давлат ва жамият қурилиши тизимини такомиллаштириш

Халқ қабулхоналари 
Халқ қабулхоналарига келиб тушаётган аксарият мурожаатлар ижтимоий ҳимояга 
муҳтож қатлам ҳисобига тўғри келмоқда. 
Ўзбекистон Президенти Шавкат Мирзиёйев 2016 йил 28 декабрь куни "Жисмоний 
ва юридик шахсларнинг мурожаатлари билан ишлаш тизимини тубдан такомиллаштиришга 
доир чора-тадбирлар тўғрисида"ги Фармонни имзолади.
Фармонда қайд этилишича, сентябрь сўнгида очилган бош вазир виртуал 
қабулхонаси (2016 йил 25 сентябр) қисқа даврдаги фаолияти давомида аҳолининг энг 
долзарб муаммоларини ҳал этиш имконини берувчи, давлат ҳокимияти ва бошқаруви, 
хўжалик бошқаруви органлари, барча даражадаги ҳокимиятлар билан фуқаролар 
ўртасидаги ҳамкорликнинг самарали механизмига айланди. 
Таҳлиллар шуни кўрсатдики, мурожаатларнинг аксарият қисми тадбиркорлик 
субъектларининг ривожланишига халақит бераётган тўсиқ ва ғовларни бартараф этиш, 
қонунчиликка зид бўлган идоравий қарорларни бекор қилиш, ишга жойлашиш, соғлиқни 
сақлаш, банк кредитларидан эркин фойдаланиш, уй-жой-коммунал ва йўл-транспорт 
хизматлари сифатини яхшилаш масалалари, маҳаллий давлат ҳокимияти органлари, суд, 
ҳуқуқни муҳофаза қилувчи ва назорат органларининг фаолияти юзасидан келиб тушмоқда. 
Айни пайтда, фармонда келтирилишича, виртуал қабулхона фаолияти "давлат 
органларининг мурожаатлар билан боғлиқ ишни ташкил этишда уларни кўриб чиқиш 
тартиби ва муддатларига, расмиятчилик, бюрократизм ва сансалорлик ҳолатларига доир 
қатор тизимли камчиликларни аниқлади". 
Фармонга кўра, Президент девони таркибий тузилмасида Жисмоний ва юридик 
шахсларнинг мурожаатлари билан ишлашни назорат қилиш ва мувофиқлаштириш хизмати 
тузилади. Хизмат зиммасига қуйидаги асосий вазифалар юклатилди: 
Барча даражадаги Халқ қабулхоналари ходимлари Ўзбекистон Президенти 
девонининг ходимлари ҳисобланади. 
Қорақалпоғистон Республикаси, вилоятлар ва Тошкент шаҳрида, шунингдек ҳар бир 
туман ва шаҳарда тузилаётган Халқ қабулхоналари фаолиятини ташкилий, молиявий ва 

---

моддий-техник жиҳатдан таъминлаш тегишлилигича Қорақалпоғистон Вазирлар Кенгаши, 
вилоятлар, Тошкент шаҳар, туманлар ва шаҳарлар ҳокимиятлари томонидан амалга 
оширилади. 
2019 йил 19 февралдаги Ўзбекистон Республикаси Президентининг “Халқ 
қабулхоналари фаолияти билан боғлиқ Низомларни тасдиқлаш тўғрисида” ПҚ-4197-сон 
Қарори имзоланди. Унда: 
Халқ қабулхонаси фаолиятини ташкил этиш ва унинг иш тартиби Халқ қабулхонасига 
Ўзбекистон Республикаси Президентининг розилиги билан Ўзбекистон Республикаси 
Президенти Администрасияси раҳбари томонидан лавозимга тайинланадиган ва 
лавозимдан озод этиладиган мудир бошчилик қилади. 
Халқ қабулхонасининг ходимлари Ўзбекистон Республикаси Президенти 
Администрасиясининг ходимлари ҳисобланади, уларга Қорақалпоғистон Республикаси 
Вазирлар Кенгаши, вилоятлар ва Тошкент шаҳри ҳокимликлари ходимларига белгиланган 
иш ҳақи тўлаш ҳамда моддий рағбатлантириш тартиби ва шартлари қўлланилади. 
Халқ қабулхоналари бошқарув ходимларига нисбатан Ўзбекистон Республикаси 
Президентининг 2018 йил 26 августдаги ПФ-5519-сон Фармони билан тасдиқланган 
Ўзбекистон Республикаси Президенти Администрасияси тўғрисидаги низомнинг 26-
бандида назарда тутилган қоидалар татбиқ этилади. 
Россия Федерасияси Федерал Мажлиси Федерасия Кенгаши Раиси Валентина 
Матвиенко бошчилигидаги Россия Федерасияси делегасияси 2019 йил 2 октябрь куни 
Ўзбекистон Республикаси Олий Мажлиси Сенати Раиси Танзила Нарбаева ҳамроҳлигида 
Ўзбекистон Республикаси Президенти халқ қабулхоналари фаолияти билан танишди. 
Айни вақтда 02.06.2020 мамлакатимизда жойларда 208 та Халқ қабулхоналари 
самарали фаолият юритмоқда. 2019 йилдаги статистик маълумотлар таҳлили шуни 
кўрсатадики, Виртуал ва Халқ қабулхоналарига жами йилига 1 миллиондан зиёд мурожаат 
келиб тушган. 20.02.2019.