3-Mavzu: Chilangarlik tiskilari haqida ma’lumot. Egovlarni turlari, tuzilishi, ishlatilishi. Tekis yuzalarni egovlash, egovlash usullari

A. Bo‘ylama shtrixlar hosil qilib egovlash (58-rasm, a):

1. 
   Tiskining o‘ng tomonida verstakka o‘ng biqin bilan turish.
   
2. 
   Gavdani egovning harakatlanish chizig‘idan o‘ng tomonga 45° burchak hosil qilib burish.
   
3. 
   Egovni muvozanatlashga rioya qilish.
   

B. Ko‘ndalang shtrixlar hosil qilib egovlash (58-rasm, b):

1. 
   Tiski jag‘laridan 5—8 mm yuqorida mahkamlash.
   
2. 
   Egovni muvozanatlashga rioya qilish.
   
3. 
   Ishlov berilayetgan yeqlar Bilan ularga yondosh yoqlar orasida to‘g‘ri burchak hosil bo‘lishiga erishish.
   
4. 
   Qirralarning qiya egovlanib qolishiga yo‘l qo‘ymaslik.
   
5. 
   Hosil bo‘lgan shtrixni № 2 tishli egov bilan tuzatish.
   

V. Ayqash shtrixlar hosil qilib egovlash (58-rasm, v):

1. 
   A va B bandlarda bayon qilingan talablarga rioya qilish.
   
2. 
   Egovni galmagal u burchakdan bu burchakka o‘tkazib harakatlantirish.
   
3. 
   Yuzani chapdan o‘ngga qaratib egovlash, so‘ngra tiskini 30—40° burchakka burish yo‘li bilan o‘ngdan chapga qaratib egovlash; ko‘yadalang yoki bo‘ylama egovlashlarga o‘tib ketmay egovni diagonal bo‘ylab harakatlantirishni saqlash.
   
4. 
   Ishlov berilayotgan butun yuza bo‘ylab diagonal shtrix hosil bo‘lgach, ish vaziyatini vaegovning vaziyatini o‘zgartirib, ikkinchi diagonal yo‘nalishida egovlashga o‘tish.
   

G. Egovlashdan keyin yuzani tekshirish:

1. 
   Egovlangan yuzadan qirindini cho‘tka yoki latta bilan ketkazish.
   
2. 
   Zagotovkani tiskidan chiqarib olish.
   
3. 
   Ung qo‘l bilan lineykani, chap qo‘l bilan zagotovkani olish.
   
4. 
   Lineykani qirrasi bilan tekshirilayotgan yuzaga perpendikulyar qilib qo‘yish (58-rasm, g), bunda lineyka butun uzunligi bo‘yicha bu yuzani qoplab turishi kerak. (Lineykani metall bo‘yicha yurgizish yaramaydi, uni xar gal yuzadan uzib ko‘tarib, keyin boshqa vaziyatga qo‘yish kerak).
   
5. 
   Yorug‘lik manbaiga qarab burilish, zagotovkani ko‘z sathiga qadar ko‘tarish va lineykani tekshirilayotgan yuzaga perpendikulyar qilib qo‘yish.
   
6. 
   Egovlangan yuzani bo‘ylamasiga, ko‘ndalangiga va diagonal bo‘yicha burchakdan burchakka qarata tekshirish (58- rasm, d) kerak.
   
7. 
   Ishlov berish sifatini nazorat qilish (tirqish bir tekis bo‘lsa, yuza to‘g‘ri egovlangan bo‘ladi).
   

5- mashq. Parallel yuzalarni egovlash