3-мавзу. Бошқарув психологияси фанининг методлари

Кузатиш методи тавсифи
Кузатиш методи қадимги эмпирик методлар гуруҳига мансуб бўлиб, унда ҳозирги кунда сифат жиҳатидан катта ўзгаришлар юз берди. Унинг объекти кўлами кенгайди, мураккаб жараёнларни ўрганиш имконияти туғилди. Кузатишнинг технологияси такомиллашди, шакли ва воситалари кўпайди, объективлик даражаси ортди. Кузатиш психология фанининг барча соҳаларини универсал тадқиқ қилиш методига айланиб қолди. Шу боисдан бугунги кунда унинг аҳамияти янги бир юксак даражага кўтарилди. Татбиқийлик кўлами янада кенгайди, статистик методларга мослашувчанлиги билан бошқа тадқиқот методларидан ажралиб туради.
Йўқоридаги мулоҳазаларга асосланган ҳолда унинг ёритилмай қолган жиҳатлари тўғрисида мулоҳаза юритамиз.
Кузатиш техникаси.
1.Воқеликни кузатиш оқимини муайян қисмларга ажратиш (класификатциялаш).
2.Кузатишнинг кўлами ва характерини аниқлаш.
3.Кузатишни қайд қилиш (фиксатциялаш).
4.Олинган натижаларни сифат ва миқдор жихатдан таҳлил қилиш.
Кузатиш объекти ва предмети.
1.Кузатишнинг объекти – инсон, гуруҳий ва жамоавий муносабатлар, объектив ва субъектив кечинмалар, ҳайвонот олами, шахс фаолияти кабиларни ўрганишдан иборатдир.
2.Кузатишнинг предмети – инсоннинг ҳолати, унинг ҳаракат теъзлиги, ҳаракатнинг кучи, ҳамкорлик ҳаракати, одамнинг онгсиз, онгости ва онгли ҳолатлари (фаолият, мулоқот)ни экстериоризациялашдан иборатдир.
А) амалий ва гностик ҳаракат;
Б)нутқ актлари, маъноси, мазмуни, моҳияти, йўналиши, частотаси, ритми, давомийлиги, интенсивлиги, экспрессивлиги, унинг лексикаси, грамматикаси ва фонетик қурилиши;
В) мимика, имо-ишора, пантамимика, вокал мимикаси;
Г) вегетатив реакцияларнинг айрим кўринишлари (қизариши, терлаш, оқариш, нафас олишнинг тезлашуви ва қийинлашуви)
Кузатиш иерархияси
1. Кузатишнинг мақсади
2. Кузатишнинг вазифалари
3. Кузатишнинг программаси
4. Кузатиш фиксацияси.