3-мавзу. Бошқарув психологияси фанининг методлари

3.Бошқарув психологиясининг тадқиқот методлари:
Ҳужжатларни таҳлил қилиш методи
Менежер ва унинг қўл остидаги одамларнинг биографиясини ўрганиш методи
Раҳбарнинг иш шароитини ифодалаш методи.
Хулқ-атвор ва хатти-ҳаракатни кузатиш ва қайд қилиш методи.
Воқелик ва ҳодисани оқилона ҳал қилиш методи.
Менежер билан индивидуал суҳбат ўтказиш методи.
Анкета методи.
Бундан ташқари, бошқариш психологиясининг яна қуйидаги методларини санаб ўтиш мумкин.

1. 
   Ҳужжатларни таҳлил қилиш методи (муассаса ёки ташқилотда иш юритишдан тортиб то молиявий ҳужжатларгача бошқарувни расмий қайд қилишнинг моделлари ифодаси).
   

Ҳар бир муассасада катта ёки кичик бўлишдан катъи назар умумий талабларга жавоб берадиган ҳужжатлар мажмуасига эга бўлиши лозим. Уларнинг ҳар бирини алоҳида таҳлил қилиш раҳбар ёки ходимни касбига, фаолиятига нисбатан муносабатини, масъулият ҳиссини аниқлашга имкон берди.
Алоҳида олинган ҳужжатнинг ташқи кўриниши, тузилиши, мазмуни, моҳияти, яъни унинг шаклий томони ва ички моҳияти сиртдан кузатувчи учун муайян тассурот қолдирса, унда ҳаяжон, қониқиш ҳиссини вужудга келтирса, демакки илик бахолаш тенденцияси туғилганлигидан далолат бериши тўғрисида хулосага келаверинг. Агар ҳар бир ҳужжат унга юклатилган функцияни акс эттирган бўлса, бинобарин, у мақсадга мувофиқ яратилганлигини англатади.
Ҳужжатларнинг тадрижий, изчил, иерархик равишда тузилганлиги, зарур маълумотларни ундан олиш имконияти мавжудлиги юзидан муайян қарорга келиш уларнинг тузувчилари тўғрисида илмий психологик таассурот олиш, хулоса чиқаришга пухта асос яратади. Жумладан, қуйидаги маълумотларни олиш мумкин:

1. 
   раҳбар ёки унинг қўл остидаги ходимнинг биринчи навбатда фаолиятга нисбатан масъулият ҳисси шаклланганлигини билдиради;
   
2. 
   уларнинг у ёки бу нарсага нисбатан майли, интилиши, қобилияти мавжуд эканлигини англатади;
   
3. 
   юксак ҳис-туйғулар, нафосат кечинмалари таркиб топганлигидан далолат беради;
   
4. 
   маълумотга сероблиги, бойлиги раҳбар ходимнинг савияси, дунёқараши, эътиқоди юзасидан таъсирот олишга имкон туғдиради;
   
5. 
   ҳар қайси ахборот ёки маълумотнинг батартиблилиги мантиқий юксакликни акс эттиради;
   
6. 
   ҳужжатларни ўз урнида сакланиши, уларга нисбатан эътиборлилик мобилизацион қобилият мавжудлигига кафолатдир.
   

2. 
   Менежер ва унинг қўл остидаги одамларнинг биографиясини ўрганиш методи.