3-ma’ruza. Loyiha texnologiyasi. Loyiha uslubida

3-ma’ruza. Loyiha texnologiyasi.
Loyiha uslubida - ta’lim oluvchilarning individual yoki guruhlarda rejalashtirilgan vaqt davomida, belgilangan mavzu boʻyicha axborot yig‘ish, tadqiqot oʻtkazish va amalga oshirish ishlarini olib borishidir. Bu uslubda ta’lim oluvchilar rejalashtirish, qaror qabul qilish, amalga oshirish, tekshirish va xulosa chiqarish va natijalarni baholash jarayonlarida ishtirok etadilar.

Loyiha ishlab chiqish yakka tartibda yoki guruhiy boʻlishi mumkin, lekin har bir loyiha oʻquv guruhining birgalikdagi faoliyatining muvofiqlashtirilgan natijasidir. Bu jarayonda ta’lim oluvchining vazifasi belgilangan vaqt ichida yangi mahsulotni ishlab chiqish yoki boshqa bir topshiriqning yyechimini topishdan iborat.

Ta’lim oluvchilar nuqtai-nazaridan topshiriq murakkab boʻlishi va u ta’lim oluvchilardan mavjud bilimlarini boshqa vaziyatlarda qoʻllay olishni talab qiladigan topshiriq boʻlishi kerak. Loyiha oʻrganishga xizmat qilishi, nazariy bilimlarni amaliyotga tatbiq etishi, ta’lim oluvchilar tomonidan mustaqil rejalashtirish, tashkillashtirish va amalga oshirish imkoniyatini yarata oladigan boʻlishi kerak.

Xulosalar:

Pedagogik texnologiyalarni loyihalashtirish, ishlab chiqish va amaliyotga joriy qilish jarayonida amalga oshiriladigan ishlar orasida interfaol metodlarni tashkil etish va amalga oshirish muhim bosqichlardan hisoblanadi.

Ta’lim jarayonini interfaol metodlar asosida tashkil qilish quyidailarni oʻz ichiga oladi:

Interfaol metodlarni amalga oshirish rejalarini tuzib chiqish.

Interfaol metodlarni oʻtkazish uchun shart-sharoit yaratish.

Interfaol metodlarni amalga oshirish usun baza yaratish.

Interfaol metodlarni oʻkazishda vazifalarni taqsimlash.

Interfaol metodlarni tashkil etishga maxsus tayyorgalik koʻrish.