3-Ma’ruza Buzib oʻtkaziladigan nazorat va putur yetkazmaydigan nazorat. Mahsulotlar sifatini putur yetkazmasdan nazorat qilishning asosiy qoidalari

Putur yetkazmasdan tekshirish va sinash bo‘limi O‘zbekiston Respublikasi Vazirlar mahkamasining 2019-yil 14-martdagi 220-son qarori asosida tashkil qilingan. Hozirda bo‘lim Respublikadagi sanoat korxona va tashkilotlariga Putur yetkazmasdan tekshirish va sinash sohasi bo‘yicha ilmiy metodik ko‘maklashib kelmoqda. Bo‘lim ilmiy metodik ko‘maklashishda maxsulotlarni sinash usuliyatlarini ishlab chiqish, metrologik ekspertizadan o‘tkazish va attestatlash ishlarini O‛z DSt 20.501:2008 “Mahsulotni sinash tizimi. Mahsulotni sinash usuliyatlari. Ishlab chiqish, attestatlash, tasdiqlash va ro‘yxatga olish tartibi” to‘g‘risidagi davlat standartiga muvofiq amalga oshirib kelmoqda.

Bugungi kunga kelib amaliyotda putur yetkazmasdan nazorat qilishni qo’llash bir qator afzalliklarga, qolaversa iqtisodiy samaradorliklarga ega ekanliklari ko’pchilik hollarda tasdiqlanmoqda.

Bugungi kunga kelib amaliyotda putur yetkazmasdan nazorat qilishni qo’llash bir qator afzalliklarga, qolaversa iqtisodiy samaradorliklarga ega ekanliklari ko’pchilik hollarda tasdiqlanmoqda.

Masalan:

1. Yer ostidan o’tkazilgan quvurlardagi nosozliklarni bartaraf etishda PEN qo’llash bilan faqat kerakli joylarda ta’mirlash ishlari o’tkaziladi va bu bilan bir qator mablag’lar tejalishiga erishiladi.

2. Yer ustidagi qurilish inshoatlarida PEN o’tkazish, ularni avariya tufayli buzilishidan yoki ularni ataylab buzib, yangitdan tiklashga nisbatan ancha kam mablag’ talab etiladi. Bunda faqatgina iqtisodiy samaragina emas, balki insonlarning hayot xavfsizliklari ham muhofaza qilinishligi ham ahamiyatlidir.

3. Qurilish inshoatlari, temir yo’l ko’priklari, yer osti va yer usti kommunikatsiyalari va shularga o’xshash ob’ektlarni ma’lum yillar intervallarida PEN ko’rigidan o’tkazib turish, ulardan foydalanishning xavfsizligini ta’minlashi va shuningdek zaruriy ta’mirlash ishlarini o’z vaqtida o’tkazilishini, bular natijasida falokat tufayli ko’rilishi mumkin bo’lgan talofatlarni oldi olinishi mumkinligini ta’kidlaydi.