|
3-lekciya. Sızıqlı emes shınjırlarda terbelislerdi spektral analizlew usılları
|
bet | 1/6 | Sana | 10.02.2022 | Hajmi | 1,19 Mb. | | #440267 |
|
3-lekciya. Sızıqlı emes shınjırlarda terbelislerdi spektral analizlew usılları.
Joba:
3.1 Sızıqlı emes hám parametrik elementler hám olardıń xarakteristikaların approksimaciyalaw.
3.2 Sızıqlı emes shınjırlarda terbelislerdi spektral analizlew usılları.
3.3 Spektrdıń paydalı quraytuǵın terbelislerin ajıratıp alıw.
3. 1. Sızıqlı emes hám parametrik elementler hám olardıń xarakteristikaların approksimaciyalaw
Elektr shınjırı - elektr (radio) elementleri hám ótkizgishlerdiń kompleksi bolıp, ondaǵı elektromagnit processlerdi elektr jurgiziwshi kúsh (EYUK - e), kernew (u) hám tok (i) penen túsindiriw múmkin. Bunda E, u, i- bir zamatlıq bahalar.
Sızıqlı emes element qollanılǵan sızıqlı emes shınjırlardı esaplawda grafik hám analitik usıllar paydalanıladı. Grafik usıllar sızıqlı emes shınjırǵa elementar garmonik terbelisler tásir etkende ǵana paydalanıladı. Analitik usıl bolsa, sızıqlı emes shınjırǵa quramalı signallar tásir etkende paydalanıladı. Analitik usıllardıń esaplaw anıqlıǵı grafik usıllarǵa salıstırǵanda joqarı boladı. Sızıqlı emes elementlerdi islep shıǵarıwshı kárxanalar sızıqlı emes elementlerdiń xarakteristikaların spravochnikljerde (maǵlıwmatnamalarda) beredi. Sızıqlı emes elementlerdiń ortasha volt-amper xarakteristikaları (VAX) tájiriybe jolı menen alınıp, ádette grafik yamasa keste formasında keltiriledi.
Biraq quramında sızıqlı emes element bolǵan, sızıqlı emes shınjırdı esaplawda paydalanılǵan sızıqlı emes elementtiń analitik ańlatpası kerek. Tilekke qarsı bul sızıqlı emes elementlerdiń anıq analitik ańlatpaları joq, sol sebepli ámeliyatta sızıqlı emes elementtiń real xarakteristikası, analitik ańlatpası málim bolǵan, reallıǵına uqsas grafik penen almastırıladı. Yaǵnıy sızıqlı emes elementlerdiń xarakteristikaları approksimaciyalanadı. Sızıqlı emes elementtiń grafik yamasa keste formasında berilgen VAXnı analitik (matematikalıq) ańlatpa menen almastırıw approksimaciyalaw dep ataladı.
3.1-súwret. Real xarakteristikanı approksimaciyalawshı funkciya menen almastırıw
Approksimaciyalawshı funkciyalarǵa tómendegi talaplar qoyıladı:
Approksimaciyalawshı funkciya ılajı bolǵanınsha ápiwayı bolıwı kerek, bul funkciya arqalı orınlanatuǵın matematikalıq ámellerdi ápiwayılastıradı hám kólemin azaytadı;
Approksimaciyalawshı funkciya ápiwayı bolıwı menen birge sızıqlı emes elementten ótip atırǵan ulıwma tok quramınan toktıń kerekli spektral qurawshıların anıqlaw múmkinshiligin beriwi kerek;
Approksimaciyalawshı funkciya ápiwayı bolıwı hám toktıń kerekli spektral qurawshısın anıqlaw menen birge, ol járdeminde tabılǵan tokta kernewler mánisi berilgen anıqlıqta real VAX yamasa keste arqalı anıqlanatuǵın bahalarǵa talap etilgen dárejede sáykes keliwi kerek.
Sızıqlı emes elementlerdiń xarakteristikaların approksimaciyalawda tómendegi approksimaciyalawshı funkciyalar paydalanıladı:
Dárejeli polinomlar (kóp aǵzalılar).
Eksponencial polinomlar.
Transendent funkciyalar.
Bólekli-tuwrı sızıqlı approksimaciya.
Do'stlaringiz bilan baham: |
|
|