3 –Laboratoriya ishi Oltinni konsentratsion stolda ajratib olish Ishdan maqsad

3 –Laboratoriya ishi

Oltinni konsentratsion stolda ajratib olish
Ishdan maqsad: Laboratoriya konsentratsion stolida yirik oltin zarrachalarini ajratib olish ko‘nikmasiga ega bo‘lish.
Qisqacha nazariy ma’lumotlar
Nodir metallar yuqor zichligi bilan tavsiflanadi. Nodir metallarning zichligi ularni saqlovchi tog‘ jinslarni tashkil qiluvchi minerallarning zichligidan ancha yuqori qiymatlarga ega. Shu sababdan rudalar tarkibidagi tug‘ma nodir metallar zarrachalarini ajratib olish uchun gravitatsion boyitish usullari samara beradi.

Ko‘pgina oltin saqlovchi rudalarda ma’lum miqdorda yirik oltin (+0,1 mm) zarrachalari mavjuddir va ular nafaqat flotatsion, balki gidrometallurgik jarayonlar bilan ham qiyin ajratib olinadi. Shu sababdan oltin saqlovchi rudalarni sianlashdan avval, tarkibidan yirik oltin zarrachalarni gravitatsion boyitish usulida ajratib olish jarayonlarini qo‘llash oltinni chiqindilar bilan yo‘qolishini olidini oladi.

Amaliyotda asl konlar rudalaridan yirik oltinni gravitatsion boyitish usullarida ajratib olishda quyidagi dastgohlardan foydalaniladi: konsentratsion stollar, cho‘ktirish mashinalari, yumshoq qoplamali shlyuzlar, barabanli konsentratorlar, qisqa konusli gidrotsiklonlar.