Енгил НЙМКда акушерлик тактикаси:
енгил НЙМК аёлда ҳомиладорлик муддати тўлган бўлиб (37 ҳафта ва ундан кўп), аммо туғруқ бошланмаган бўлса, аёлни касалхонага ётқизиш ва вагинал текширув ўтказиш керак. Агарда бачадон бўйни етилаётган ёки етилган бўлса, дастлабки амниотомияни ўтказиш зарур. Ҳомила олди сувларини оқизиш бачадон ичи босимининг пасайишига олиб келади, бу эса йўлдош кўчишининг янада кучайиши таваккалчилигини оширади. Бундан ташқари, амниотомия – бу туғруқни индукция қилиш усул, аёлда амнитомиядан кейин тўлғоқ бошланиши мумкин ва у туғруққа киришади. Агарда бачадон бўйни етилмаган бўлса ва дастлаби амниотомияни бажаришнинг иложи бўлмаса, ҳомиладор аёл ва ҳомила ҳолатини диққат билан кузатиш зарур, аёлга ётоқ режимини тайинлаш, гемостатик мақсадда томирга транексам кислотасини юборишни тайинлаш.
Агарда енгил НЙМК туғруқ жараёнини бошидан кечираётган аёлда ривожланиб кетса, бу ҳолда туғруқни табиий туғруқ йўллари орқали амалга ошириш керак. Туғруқ пайтида илк амниотомия, ҳомила ҳолатининг (узлуксиз КТГ ёки ҳар 15-30 дақиқада юрак зарбининг аускультацияси) ва туғруқ пайтида туғаётган аёл ҳолатининг мониторинг тайинланади, заруратга кўра – туғруқни чақириш чораларини кўриш керак. Гемостатик мақсадда туғруқ пайтида томирга 1,0 г транексам кислотасини юбориш керак. Туғруқнинг 2-нчи даврида қинга оид туғруқни амалга ошириш операциялари (акушерлик қисқичларини қўллаш, ҳомиланинг вакуум-экстракцияси) ҳомилани чиқариш пайтида қон кетиши кучайган ҳамда она ва ҳомила ҳаётига хавф солган пайтда амалга оширилади.
Агарда енгил НЙМК аёлда ҳомиладорликнинг етилмаган муддатида ривожланса (37 ҳафтагача), уни туғруқ залига ёки акушерлик реанимацияси бўлимига она ва ҳомила ҳолатини синчковлик билан кузатиш учун ётқизиш керак. Бу ҳолда ҳомиладорликнинг 35 ҳафтасигача ётоқ режимга риоя қилиш, транексам кислотасини қўллаш ва ҳомилани кортикостероидлар билан РДС профилактика қилиш чораларини бажариш зарур бўлади.
Шуни ёдда тутиш зарурки, енгил НЙМК тезда оғир шаклга айланиши мумкин. Бундан ташқари, енгил НЙМК да қон кетиши бир марта тўхтаб, яна такрорланиши мумкин (қон кетиши эпизодларининг такрорланиши). Агарда енгил НЙМК тўхтамайдиган ва давом этаётган қон кетиши кузатилса (кўчишнинг ривожланиши) ёки қон кетиши давом этса, шошилинч тарзда ҳомиладорлик муддатидан қатъий назар, шунингдек ҳомиланинг тирик ёки ўликлигидан қатъий назар, кесар кесими ни амалга ошириш керак.
НЙМК ли беморларда коагулопатик қон кетиши таваккалчилиги юқори бўлади.
Do'stlaringiz bilan baham: |