3 боб акушерлик қон кетишлари

Амалий кўникма: Бачадонни икки қўллаб (бимануал) сиқиш

Қадам/вазифа

Тайёрлаш

1. Аёлга бундай буён бажариладиган ҳаракатлар ҳақида сўзлаб беринг, уни диққат билан тингланг, уни қизиқтирувчи барча саволларга жавоб беринг, шубҳалардан холи бўлишига кўмаклашинг.

2. Заруратга кўра аёлни тинчлантиринг ва унга давомли эмоционал ёрдам кўрсатишда давом этинг.

3. Барча тиббиёт ходимлари индивидуал ҳимоя воситаларини кийганлигини назорат қилинг.

Изоҳ: 1-нчи ва 2-нчи қадамлар барча навбатдаги қадамларни бажаришда кўрсатилиши керак.

Бачадонни икки қўллаб сиқиш

Қўл ва билакларингизни сув ва совун билан яхшилаб ювинг, сўнгра қуруқ латта ёки қуруқ ҳаво ёрдамида қуритинг.

Қин ва оёқ орасини антисептик эритмаси билан ювинг.

Икки қўлингизга юқори даражали дезинфекция қилинган ёки стерил хирургик қўлқоп кийинг (изоҳ: имкон қадар узун, тирсаккача етадиган қўлқоплардан фойдаланиш керак).

Битта қўлни –акушер қўли билан қинга киритинг, сўнгра ичидаги қўл бармоқларини мушт қилиб тугинг.

Ички қўл муштини қиннинг олд кириш қисмига жойланг, сўнгра мушт билан олди кириш қисми орқали бачадоннинг олд деворига босим кўрсата бошланг.

Айни пайтда бўш қўлингизни олд қорин деворига қўйинг, сўнгра ташқи қўл кафтини бачадон орқасига ўтказинг, ва бу билан унинг орқа деворини кафтингиз билан ушлаб олинг.

Ичдаги қўл мушти билан қининг олд кириш қисми орқали бачадоннинг олди деворига босим кўрсатишда давом этинг, айни пайтда ташқи қўл кафти билан бачадоннинг ташқи деворига ичдаги қўл мушти томон босим ўтказинг.

Бачадонни икки қўллаб сиқишда давом этинг, токи бачадон қисқариб, қон кетиши назорат қилмаганча тўхтатманг.