3 Annotatsiya

5A340103-“Shaharsozlik va landshaft arxitecturasi” 
 
Tuzuvchilar: 
A.S.Uralov – SamDAQI, “Arxitekturaviy loyihalash” kafedrasi 
professori, me’morchilik fanlari doktori., O‘zbekiston 
Respublikasida xizmat ko‘rsatgan yoshlar murabbiyi; 
A.B.Balgayev– SamDAQI, “Arxitekturaviy loyihalash” kafedrasi 
dotsenti, arxitektura fanlari nomzodi.;
Taqrizchilar: 
H.I.Qayumov – SamDAQI, “Arxitekturaviy loyihalash” kafedrasi 
dotsenti, arxitektura fanlari nomzodi.;
R.B. Usmanayev– Samarqand shahar “Me’morqurilishloyiha” 
MCHJ bosh arxitektori.
A.A.Amanov – Samarqand shahar “Ark dizayn” arxitekturaviy 
loyihalash ustaxonasi direktori.
Ushbu dastur «Arxitekturaviy loyihalash» kafedrasining 2021 yil 17 - 
iyun (bayonnoma № 19) majlisida muhokama qilingan va tasdiqlangan. 
KIRISH 
O‘zbekiston Respublikasida iqtisodiy islohotlarni amalga oshirish va 
mamlakat salohiyatini yuqori darajaga ko‘tarish oliy ta’lim tizimi oldiga yuqori 
malakali va davrning zamonaviy talablariga javob beradigan, chuqur nazariy va 
amaliy bilimlarga ega bo‘lgan magistr mutaxassislar tayyorlash vazifasini qo‘yadi. 
Har tomonlama yetuk, intiluvchan va zamonaviy tasavvurga ega bo‘lgan magistr 
kadrlar tayyorlash mustaqil davlatimiz taraqqiyotini tezlashtirish va uni xalqaro 
darajadagi nufuzini ko‘taradigan asosiy omillardan biridir.
Ushbu dastur 5A340103-“Shaharsozlik va landshaft arxitekturasi” 
magistratura mutaxassisligi bo‘yicha magistraturaga kiruvchi abiturientlar uchun 
tuzilgan bo‘lib, unda ushbu mutaxassislik talablari asosida shaharsozlik va 
landshaft arxitekturasi bo‘yicha abiturientlar bilishi kerak bo‘lgan tayanch sohalar 
kiritilgan. Dasturda abiturientlarning bilimini baholash mezonlari ham keltirilgan.
Mazkur dasturda 5A340103-“Shaharsozlik va landshaft arxitekturasi” 
magistratura mutaxassisligi bo‘yicha magistraturaga kiruvchi abiturientlarning 
bilim va ko‘nikmalariga qo‘yilgan talablar keltirilgan.