3. 3-Lekciya Ataması: Tokarlıq stanokları. Jobası

Lobovoy tokarlıq stanokları - úlken diametrli hám kelte zagotovkalardı islewge arnalǵan. Bul stanoklarda keyingi babka bolmaydı, olardıń orayları bálent boladı (3.6-súwret).

Zagotovka planshaybaǵa bekkemlenedi. Kese stanina aldınǵı babka menen baylanıslı bolmaǵan jaǵdayda basqa plitaǵa ornatılǵan. Joqarǵı salazka keskish tutqıshı menen birge support karetkasına ornatılǵan bolıp, burıw plitası baǵdarlawshıları boylap jıljıydı. Planshaybanıń diametri 1000 mm den 4000 mm shekem.

Bul stanoklardıń tiykarǵı kemshiligi sonnan ibarat, olarǵa awır zagotovkalardı ornatıw hám olardıń qánshelli tuwrı ornatılǵanlıǵın tekserip kóriw qıyın.

Bunnan tısqarı, shpindel`diń deformaciyalanıwı aqıbetinde islew beriw anıqlıǵı tómenleydi.

3.7-súwret. Tokarlıq karusel` stanogi: 1-vertikal stoyka; 2-traversa; 3-gorizontal support karetkası; 4- burılıwshı keskish tutqıshı; 5-qaptal supportı ushın vertikal stoyka baǵdarlawshıları; 6-qaptal supportınıń keskishi.