3 – лаборатория иши. Мавзу: Суюқликларни оқиш режимларини аниқлаш

1.3. Тажриба қурилмасининг тузилиши.
Тажриба ўтказиладиган қурилманинг тузилиши 1-расмда кўрсатилган. Қурилма рангли суюклик солинган идишча (1), сув тулдирилган шиша идиш (4), кузғалмас таянч юзага (6) ўрнатилган шиша труба (8), ўлчов идиши (13) ва стаканидан (9) иборат. Идишдаги сув ҳарорати термометр (10) билан ўлчанади. Трубада оқаётган сув сарфини жўмрак (7) ёрдамида ўзгартириш мумкин. Рангли суюклик (1) идишдан шаффоф найча (12) орқали шиша труба (8) ичига узатилади.
Найча учига шиша труба марказига нисбатан ростланган игна (5) ўрнатилган. Рангли суюқлик сарфи жўмрак (2) орқали ростланади. Сув сарфини тажриба мобайнида ўлчаш учун ўлчов стакани (9) ёки ўлчов тасмаси (3) ва секундомердан фойдаланилади. Водопровод жумраги (11) ёрдамида шиша идишдаги (4) сув сарфи тажриба пайтида бир маромда ушлаб турилади.


1.4. Тажриба утказиш тартиби.
Тажриба ишининг биринчи қисмида шиша (8) трубадаги сувнинг харакатини ростлаб турувчи жўмрак (7) аста секин очилади. Жўмрак (2) очилиб шиша трубага игна орқали рангли суюқлик юборилади. Агар трубадаги сув оқимининг тезлиги кичик бўлса, рангли суюқлик сувга аралашмасдан тўғри чизиқ бўйлаб горизонтал ип шаклида ҳаракат қилади. Бунда шиша трубадан оқаётган сув ва рангли суюқликнинг тезликлари бир хилда бўлади. Кузатилаётган оқим режими ламинар бўлади. Келгусида ростловчи жўмракни кўпроқ очиб сув оқимининг тезлиги кўпайтирилади. Бунда рангли суюқлик шиша труба бўйлаб тўлқинсимон ҳаракат қилиб (турбулент режим) ундаги сувнинг бутун ҳажми бўйича аралашади. Шу тарика ростловчи жўмрак орқали сув оқими режимларининг барча турлари кузатилади.
Тажрибанинг иккинчи қисмида Рейнольдс критерийсининг қиймати аниқланади. Бунинг учун жўмрак (7) орқали сувнинг оқими ламинар холатга келтирилади. Шиша идишдаги (4) сув сатҳи ушбу даврда ўзгармас бўлишига жўмрак (11) орқали эришилади. Ростловчи жўмрак (7) орқали оқаётган сув миқдори ўлчов стакани (9) ёки тасмаси (3) ёрдамида аниқланади. Стакан ёки ўлчов тасмали идишнинг (13) тулиши учун кетган вақт секундомер билан ўлчанади. Тажриба 4-5 маротаба такрорланади. Худди шундай ўлчашлар тулкинсимон оқим холати учун хам такрорланади. Ўлчов ишлари тугагандан сунг ростловчи жўмраклар беркитилади ва хисоблаш ишлари бажарилади.