Yuqorida (7.1b-rasmda) ko‘rsatib o‘tilganidek, ko‘ndalang kesimi doirasimon bo‘lmagan sterjenlarning buralishida tekis kesimlar qiyshayadi, ya’ni ko‘ndalang kesimlarda deplanatsiyasi hodisasi ro‘y berib, materiallar qarshiligining asosiy gipotezasi – tekis kesimlar gipotezasini qo‘llash mumkin bo‘lmaydi. Shu sababli doirasimon shaklda bo‘lmagan sterjenlardagi kuchlanish va deformatsiyalarni aniqlash masalasi elastiklik nazariyasi usullari vositasida yechiladi. Ushbu usullar bilan olingan natijalar materiallar qarshiligida ko‘rilayotgan masalalarda qo‘llanilganligi sababli, bu bo‘limda asosiy formulalarni isbotsiz keltirib o‘tamiz.
Doirasimon bo‘lmagan sterjenlarni hisoblashda ishlatiladigan formulalar qulay bo‘lishi uchun ularning doiraviy kesimli sterjenlar buralishida olingan ko‘rinishda yozamiz, ya’ni