29 may — Taniqli bastakor Muxtor Ashrafiy tavallud topgan kun

M uxtor Ashrafiy uy-muzeyi

Muzey 1965 yildan 1975 yilgacha Muxtor Ashrafiy yashab, ijod etgan xonadonda joylashgan. "Sevgi tumori", " Temur Malik" asarlari aynan mana shu yerda yaratilgan. Muzey to‘plami Muxtor Ashrafiyning o‘z shaxsiy arxivini o‘z ichiga olgan. Bu yerda shuningdek qimmatbaho qo‘lyozmalar, fotosuratlar, xujjatlar, spektakl dasturlari, kitoblar, nota nashrlari, gramplastinkalar o‘zbek musiqiy cholg‘usi to‘plami mavjud. Ekspozitsiyada shu bilan bir qatorda "Bo‘ron" birinchi milliy operasi materiallari ham bor.


Uni qator xorijiy davlatlarda ham yaxshi bilishadi. Muxtor Ashrafiy Javoharlal Neru va Jamol Abdul Nosir nomidagi xalqaro mukofotlar bilan taqdirlangan.

Madaniyatimiz dargʻalaridan biri sifatida eʼtirof etilgan bu inson nafaqat mohir kompozitor va dirijyor, ayni paytda ulkan tashkilotchi hamda jamoat arbobi sifatida ham obroʻ-eʼtibor qozongan. 1947-1961-yillarda hozirgi Oʻzbekiston davlat konservatoriyasi rektori, 1964-1966-yillarda yangi tashkil etilgan Samarqand opera va balet teatri direktori, badiiy rahbari va bosh dirijyori, 1966-1971-yillarda Alisher Navoiy nomidagi akademik Katta opera va balet teatri badiiy rahbari hamda bosh dirijyori vazifalarida faoliyat koʻrsatdi. Ustoz sanʼatkor 1971-yildan to umrining oxirigacha Oʻzbekiston davlat konservatoriyasini boshqargan.

– Muxtor Ashrafiy sanʼat sohasida ustozlik maqomini ham ulugʻlagan edi, – deydi Oʻzbekiston xalq artisti Sulaymon Shodmonov. – Men konservatoriyani tugatgach, ancha yillar uning rahbarligida ishlab, tajriba oʻrgandim. Ustoz shogirdlariga qattiqqoʻl boʻlish bilan birga, nihoyatda mehribon ham edi, oʻz ustimizda tinimsiz ishlashga undar, sanʼatda oʻz oʻrnimizni topishga koʻmaklashardi.