28”08. 2021-yil “Kiyim mayda detallariga ishlov berish” fanidan

Yo`lyo`riqli texnologik xarita


Kasb kodi va nomi: 3.53.10.08-Tikuvchi
O`quv amaliyot nomi: SHim ёn cho’ntаgini tikish


Mavzu №14: Ayollar pidjagini yig'ish

№	Bajariladig an ishlar mazmuni	Moslamalar,	Eskizlar, chizmalar, rasmlar	Bajarish Tartibi
1	Ayollar pidjagini yig'ish	Ayollar pidjagini yig'ish Ayollar pidjagining andozasi ip va universal mashina		Ayollar pidjagini yig'ish Ayollar pidjagining biriktirma chok yoramida
2		Bichish ustli ignasi Namlik issiqlik ishlovini unversal tikv mashinasi		detallarini birlashtirish

berish asbobi

unversal tikv mashinasi


Tayyorladi I.Ch.T.Ustasi:

14-mavzu: SHim yon cho‘ntagini tikish
Shim old bo‘lagidagi qiyalama cho‘ntakni tikishda yaxlit bichilgan old bo‘lak yoki shimning bukish haqi alohida bichilgan mag‘iz, ort bo‘lak, avra gazlamadan bichilgan ko‘rinma, cho‘ntak xalta va yelim uqa ishlatiladi
Bu detallarning yon va pastki qirqimlari maxsus mashinada yo‘rmalanadi. Old bo‘lak teskari tomonida cho‘ntak chizig‘i belgilab olinadi. Chiziq bo‘ylab yelim u qa dazmolda yopishtiriladi. Keyin cho‘ntak bukish chizig‘i bo‘ylab cho‘ntak xalta qo‘yib, yaxlit bichilgan mag‘iz bilan o‘raladi va maxsus mashinada ziyi ko‘klanadi. Cho‘ntak
og‘zi dazmollanadi va ziydan 0,5—0,7 sm masofada bezak baxyaqator yuritib puxtalanadi.
Mag‘izning yo‘rmalgan qirqimi cho‘ntak xaltaga, shim old bo‘lagini qayirib turib, qirqimidan 0,2 sm oraliqda bostirib tikiladi.Ko‘rinmaning yo‘rmalgan qirqimini cho‘ntak xaltaning ikkinchi bo‘lagiga, yuqori va yon qirqimlarini to‘g‘ri keltirib, 0,2 sm oraliqda bostirib tikiladi. Ko‘rinmaning o‘ngiga old bo‘lakni qo‘yib, old bo‘lak
cheti bukiladi va cho‘ntak uchlari mashinada ikkita qaytma baxyaqator bilan puxtalanadi. Keyin cho‘ntak xalta tomonlari biriktirib tikiladi va maxsus mashinada yo‘rmalanadi. Cho‘ntak xaltaga qo‘sh chok bilan ham ishlov berish mumkin. Old va ort bo‘laklar qirqimlarining kertilgan joylari bir-biriga to‘g‘rilanib, old bo‘lak tomondan yon choklari biriktirib tikilayotganda, ort bo‘lakka ko‘rinma ulab ketiladi. Yon chok yorib dazmollanadi. Cho‘ntak uchlari maxsus mashinada 50° qiyalatib puxtalanadi.Shimning bukish haqi alohida bichilgan mag‘izdan iborat bo‘lsa, mag‘iz 0,5 sm kenglikdagi chok bilan biriktirilayotganda shu chokdan 0,5 sm narida yelim uqa yopishtiriladi. Chok yorib dazmollanadi. Shim old bo‘lagi chok haqi kengligida bukilib, ramka hosil
qilib dazmollanadi. Cho‘ntak xalta mag‘iz tagiga uning qirqimi shimning yuqori qirqimiga tekislab qo‘yiladi va cho‘ntak cheti bo‘ylab undan 0,7 sm masofada bezak baxyaqator yuritiladi.Mag‘izning ichki qirqimi yo‘rmalgan bo‘lsa, qirqimidan 0,2 sm,yo‘rmalmagan bo‘lsa, 0,5 sm kenglikda ichkariga bukib, ziyidan 0,1 sm
masofada cho‘ntak xaltaga bostirib tikiladi. Cho‘ntakka keyingi ishlov berishlar yuqoridagidek bajariladi.
Ko‘rinma va mag‘iz ichki qirqimlarini ichkariga 0,7 sm bukib, bukilgan ziydan 0,1 sm masofada cho‘ntak xaltaga bostirib tikish mumkin Shimning yon chokidagi cho‘ntakka ham shimning yon qiyalama
cho‘ntagiga o‘xshab ishlov beriladi. Cho‘ntak xalta tomonlari maxsus mashinada tikib yo‘rmalanadi yoki qo‘sh chok bilan tikiladi. Shimning orqa cho‘ntagi. Shimning orqa cho‘ntagini tikishda ort bo‘lak, cho‘ntak qopqog‘i avrasi, cho‘ntak qopqog‘i astari,mag‘iz, ko‘rinma va cho‘ntak xalta ishlatiladi. Shim ort bo‘laklarining
vitachkalari tikilgandan keyin o‘ng ort bo‘lakning o‘ngi tomonida orqa cho‘ntak o‘rni belgilanadi. Cho‘ntak xaltaning bir tomoniga ko‘rinmani kertimlarga to‘g‘rilab qo‘yiladi va cho‘ntak xaltaga bostirib tikiladi. Bunda k o‘rinma ostki qirqimini 0,7 sm kenglikda ichkariga bukib, shu bukilgan ziydan 0,1 sm masofada baxyaqator yuritiladi. Cho‘ntak xaltani, uning yuqori qirqimini cho‘ntak og‘zi chizig‘idan 3—4sm balandroq qilib, yon qirqimlarini esa cho‘ntak og‘zi ikki uchidan 2 sm dan uzunroq qilib, ort bo‘lak teskarisiga qo‘yiladi.
Shim ort bo‘lagining o‘ngiga cho‘ntak qopqog‘ini belgilangan chiziqdan yuqori tomonga qo‘yib 0,5—0,7 sm kenglikdagi chok bilan ulanadi. Mag‘izni cho‘ntak qopqog‘i ulangan baxyaqatordan 0,5—0,7sm masofada old bo‘lakka biriktiriladi. Ort bo‘lak baxyaqatorlar orasida qirqilib, uchlarini qiyalatib kertib, cho‘ntak og‘zi hosil qilinadi. Mag‘iz ort bo‘lak teskarisiga ag‘darilib o‘tkaziladi. Mag‘izdan 0,1—0,2 sm kenglikda kant hosil qilib, uni baxyaqator yuritib puxtalanadi. Mag‘iz pastki qirqimi bukilib, cho‘ntak xaltaga bostirib tikiladi. Cho‘ntak og‘zi to‘g‘rilanib,qaytma baxyaqator bilan puxtalanadi va bir vaqtda cho‘ntak tomonlari biriktirib tikiladi va yo‘rmalanadi yoki qo‘sh chok bilan tikiladi. Ort bo‘lak o‘ngiga, cho‘ntak qopqog‘i ulangan chokdan 0,1—0,2 sm masofada bezak baxyaqator yuritiladi. Cho‘ntak og‘zi uchlari maxsus mashinada puxtalanadi va cho‘ntak dazmollanadi.