28-мавзу. Водород атомининг квант назарияси. Атом ва молекулаларнинг квант механикаси элементлари. Режа

§ 6. Шрёдингер тенгламаси ва квантлаш.
Квант механикасида микрозарраларнинг ҳолати тўлқин функцияси билан аниқланади. Тўлқин функцияси  ҳарфи билан белгиланади ва «пси функция» деб ўқилади.
Квант механикасида микрозаррачанинг у, ёки, бу ҳолатини эҳтимоллиги аниқланади. Шунинг учун, боғлиқ бўлган бундай математик ифода (x,y,z,t) тушунилиши керакки, унинг ёрдамида микрозарраларнинг фазодаги тақсимотини характерлаш мумкин бўлсин.
У ҳолда, тўлқин функциясининг кўриниши шундай бўлиши лозимки, унинг модулининг квадрати ||² микрозаррани фазонинг бирлик ҳажмида қайд қилиш эҳтимоллигига тенг бўлсин.
Демак, фазонинг бирор нуқтаси атрофидаги dv ҳажмда микрозаррани қайд қилиш эҳтимоллиги ||²dv га тенг.
Худди шунингдек, микрозаррани фазони бирор жойида қайд қилиш-муқаррар воқеа бўлганлиги учун унинг эҳтимоллиги бирга тенг,
яъни
∫||²∙dv=1 бўлади.
Бу ифода тўлқин функцияларни нормалаш шарти дейилади.
 - функцияси 1926 йилда Шредингер томонидан таклиф этилган ва унинг номи билан аталган қуйидаги тенгламани ечиш йўли билан топилади:
(4)
Бу ерда т – микрозарра, u – микрозарранинг потенциал энергияси,
h – Планк доимийси, - мавҳум бирлик.
Шредингер тенгламаси, худди Ньютон тенгламаси (F=ma) каби илгари маълум бўлган муносабатлардан фойдаланиб чиқарилмайди. У асосий фараз сифатида қабул қилинади. Лекин бу тенгламани микродунё объектларига қўллаш туфайли вужудга келган хулосалар тажриба натижалари билан жуда мос келади. Буни эса, тенгламанинг исботи деб қабул қилиш мумкин.


§ 7. Атомнинг магнит хусусиятлари. Атомнинг орбитал ва спин магнит моменти. Ядронинг магнит моменти. Паули принципи.
Атом ядро ва электрондан ташкил топган. Шунинг учун, атомни магнетизми қуйидагилар билан шартлашилган:

• 
  электронларни орбитал магнит моменти билан;
  
• 
  электронларни спин магнит моменти билан;
  
• 
  атом ядросини магнит моменти билан.
  

Классик назарияга биноан, электроннинг орбитал магнит моменти ядро атрофидаги берк контур бўйича электронни ҳаракати билан шартлашилган.

Ядронинг магнит майдони, электронларнинг магнит майдонидан анча кичик бўлганлиги учун, кўп масалаларни кўраётганимизда уни ҳисобга олмаса ҳам бўлади. Электронни атомдаги ҳаракатини, маълум бир v тезлик билан ядро атрофидаги текис ҳаракати сифатида кўрамиз. Буни айланма токка таққослаш мумкин ва унга бу ҳолатда ишлатиладиган характеристикаларни қўллаш мумкин.