28-мавзу. Водород атомининг квант назарияси. Атом ва молекулаларнинг квант механикаси элементлари. Режа

Квант назарияси ва кимёвий жараёнларнинг узвий боғликлиги.
Физика ва кимё фанининг узвий боғлиқлигининг тарихида ўзаро ғоялар, объектлар алмашинуви ва тадқиқотларнинг усуллари ҳақида кўп мисоллар келтириш мумкин.
Физика ўзининг ривожланишидаги турли босқичларида кимё фанини ривожланишига катта таъсир кўрсатган тушунчалар ва назарий концепциялар билан “таминлаб” турди. Кимёвий тадқиқотлар қанчалик кўп мураккаблашиб борса, кимёга шунча катта миқдорда физикавий аппаратуралар ва физикавий ҳисоблаш методлари кириб келди.
Замонавий фанни ривожланиши физика ва кимё орасидаги чуқур боғланиш мавжуд эканлигини тасдиқлади. Улар бир- бири билан келиб чиқиши бўйича боғланган. Бу боғланиш генетик характерга эга, яъни, кимёвий элементларнинг атомларини ҳосил бўлиши, уларни модда молекулаларига бирлашиши ноорганик дунёни ривожланишининг маълум бир босқичида рўй берди. Бундан ташқари, бу боғланиш материяни конкрет кўринишининг умумийлигига асосланган, шу билан бирга бир хил кимёвий элементлардан, атомлардан ва элементар заррачалардан иборат бўлган модда молекулаларидан.
Кимёвий жараёнлар физика ўрганадиган электромагнит ўзаротаъсирга асосланган. Даврий қонун асосида ҳозирги даврда нафақат кимёда, ядро физикасида ҳам тараққиёт амалага оширилмоқда. Буларнинг чегарасида изотоплар кимёси ва радиация кимёси вужудга келди.
Физика ва кимё амалий жиҳатдан бир хил объектларни ўрганади, аммо ҳар бир фан бу объектларда ўзининг тадқиқотлар предметини кўради. Масалан,молекула нафақат кимё балки молекуляр физика ҳам ўрганадиган объект. Кимё фани молекулани, юзага келиш қонуниятлари, таркиби, кимёвий хусусиятлари, боғланишлари, унинг атомларини ташкил этувчиларга диссоциацияланишининг шартлари нуқтаи-назардан ўрганади.
Молекуляр физика молекулаларни иссиқлик ҳодисалари билан шартлашилган массаларининг ҳулқ-атворини, турли агрегат ҳолатларини, молекулалар таркибини ўзгариши билан боғлиқ бўлмаган хусусиятларини ва ички кимёвий таркибини ўрганади.
Нисбийлик назариясини, квант физикасини ва элементар заррачалар ҳақидаги таълимотни юзага келиши билан физика билан кимё орасидаги янада чуқурроқ алоқалари очилди.
Кимёвий бирикмалар хусусиятларини, модданинг ўзини айланиш механизмини тушунтиришнинг калити, атомлар тузилишида, унинг элементар заррачаларининг квант-механик жараёнларида, айниқса, ташқи қобиғининг электронларда экан.
Энг янги физика кимё фанининг қуйидаги масалаларини, кимёвий бирикмалари табиатини, органик ва ноорганик бирикмалар молекулаларининг кимёвий тузилишини ажойиб равишда ҳал қилди.