28-Мавзу. Органик иссиқлик изоляцияси материаллари. Режа

34.4-расм. Трубопроводлар иссиқлик изоляцияси

а) Мастикали иссиқлик изоляцияси; б) Совелит асосидаги иссиқлик изоляцияси.

Каналсиз теплотрассалар қурилишида металл қувурлар пенополиуретан иссиқлик изоляцияси материаллари билан термо ва гидрозоляция қилиниши мақсадга мувофиқдир.

Полимер қувурлар иссиқлик изоляцияси. Биноларни марказлашган иситиш тизимларида иссиқлик 50% исроф бўлиши мумкин. Бунга сабаб иситиш тизимларида юқори сифатли иссиқлик изоляцияси материалларини ишлатилмаганлигидир. Каналли иситиш тизимларида шишапластик, минерал пахта, гидроизол ва цементли қоришма асосида сувоқлар ишлатилган. Ушбу муаммони завод шароитида металл қувирларга пенополиуретан (ППУ) ва пенополимерминерал (ПММ) иссиқлик изоляцияси материалларини қоплашдир. Металл қолипга металл қувур ўрнатиб, оралиқдаги бўшлиққа пенополиуретан массаси қуйилади, масса катта ички зўриқиш билан кўпириб, қувур атрофида иссиқлик изоляцияси қатламини ҳосил қилади. Қувур қўшимча равишди гидроизоляция қилиниши мумкин. Бундай каналсиз иссиқлик трассалари 30-40 йил хизмат қилади.

0. 
   Акустик материаллар
   

Хозирги кунда шаҳар ва бошқа аҳоли яшайдиган жойларда шовқин даражаси ортиб бормоқда. Сершовқинлик инсон асаб системасини хаяжонланишига ва касалланишига олиб келади. Шовқинларни инсон организмига зарарини камайтириш асосий социал масалалардан ҳисобланади. Инсон қулоғи орқали 16-20000 Гц частотали товушларни қабул қилади, 1500-3000 Гц частотали товушларни эса хаяжонланиб сезгирлик билан эшитади.

Ҳаводаги шовқинлар асосан шамолнинг турли предметларга урилишидан ҳосил бўлади. Ҳосил бўлган шовқин бинолар тўсиқ конструкцияларига урилиб, хона ичида турли частотадаги шовқинларни вужудга келтиради. Шовқин хоналардаги девор қопламалари ва бошқа предметга ютилади ёки қайтарилади.


Зарбий шовқинлар тўсиқ конструкцияларида тебраниш, титратиш, зарб билан урилиш (кучли шамол таъсирида) ва шу каби омиллар таъсирида ҳосил бўлади ва тарқалади.