27 ma’ruza: uyushiq bo‘lakli gaplar (1) Lekin bu musiqa jimjitlikni buzmas, balki uni quyultirardi

12. Uyushiq bo‘lakli gapni toping.

A) Sabr-toqatga qodir odam xohlagan narsasiga erishishga ham qodir. B) G‘azab bilan boshlangan narsa uyat bilan tugaydi. C) Vazmin va xushmuomala qariya hammaga yoqadi. D) Xotirani kuchaytirishning eng muhim sharti asablarning sog‘lom bo‘lishidir.

13. Yonimizda qizlar, o‘g‘illar, qo‘shiq aytsin, yayrasin, kulsin. Ushbu gapda qaysi bo‘laklar uyushib kelgan?

A) faqat ega B) faqat kesim C) to‘ldiruvchi D) bosh bo‘laklar

14. Yuklama yordamida birikkan uyushiq bo‘lakli gapni toping.

A) Vatan va xalq – egizak. B) Bulbul goh sayraydi, goh tinadi. C) U davra o‘rtasiga o‘tirdi-da, sekin so‘zlay boshladi. D) U she’rlarni, maqollarni chanqoqlik bilan o‘qigan hamda yod olgan!

15. Gapning uyushiq bo‘laklari o‘zaro qanday bog‘lovchilar bilan bog‘lanadi?

A) faqat sanash ohangi hamda va bog‘lovchisi bilan B) va, ammo, lekin, biroq, chunki, shuning uchun bog‘lovchilari bilan C) teng bog‘lovchilar yoki sanash ohangi orqali D) teng va ergash bog‘lovchilar orqali

savol	1	2	3	4	5	6	7	8	9	10	11	12	13	14	15
javob	a	d	c	b	d	c	d	b	b	b	c	c	d	c	c

27 - MA’RUZA: UYUSHIQ BO‘LAKLI GAPLAR (1)
16.Nortoji o‘rnidan turdi, ammo bir og‘iz ham gapirmadi. Ushbu gapda zidlov bog‘lovchisi qanday bo‘laklarni bog‘lagan?

A) mazmun jihatdan bir xil bo‘lgan uyushiq bo‘laklarni B) qo‘shma gapning teng huquqli qismlarini C) qo‘shma gapning teng huquqli qismlarini zidlab bog‘layapti D) uyushgan so‘zlarni bir-biriga zidlab bog‘layapti

17. Qaysi gapda uyushiq bo‘laklar ko‘makchi yordamida bog‘langan?

A) Aql, bilim va hikmat – oltindan qimmat. B) Siz bilan biz o‘z e’tiqodimizga sodiqmiz. C) Yoshlarga, yoshlikka havas bilan qarayman. D) O‘ktam dam cholga, dam tegirmonchiga qarab turaveradi.

18. Juft-juft bo‘lib qo‘llangan uyushiq bo‘lakli gapni aniqlang.

A) U mayda-chuyda ishlarni ham aniq va puxta bajaradi. B) Erk va muhabbat, do‘stlik va sadoqat, shodlik va baxt, yoshlik va bahor, tabiat va hayot uning ijodida o‘zining ifodasini topa bildi. C) Talabalar, o‘quvchilar huzurida o‘zimni ancha yengil, erkin his etaman. D) Nafis, jo‘shqin muhabbat hayotimiz, yoshligimizning gulidir.

19. Qaysi gapda uyushiq bo‘laklar faqat sanash ohangi yordamida birikkan?

A) Yo‘lda oq, pushti, sariq va qizil gullar uchraydi. B) Soyning suvi o‘ynoqlab, ko‘piklanib oqmoqda. C) Olim sharq xalqlarining madaniyati to‘g‘risida hurmat va iftixor bilan gapirdi. D) Anorxon bilan Tansiq yo‘l qurish bilan band edilar.

20. Qaysi qatordagi gapda uyushiq bo‘laklar mavjud emas?

A) Zamiraning baland, ammo mayin ovozi bor edi. B) Xalqqa qaradi-yu, lekin gapirmadi. C) Til bilan dil bir bo‘lishi kerak. D) Barcha gaplarda uyushiq bo‘laklar mavjud.

21. Quyidagi vositalardan qaysilari uyushiq bo‘laklarni o‘zaro bog‘lashda qatnashadi? 1) kelishik qo‘shimchalari; 2) egalik qo‘shimchalari; 3) shaxs-son qo‘shimchalari; 4) yordamchi so‘zlar; 5) ohang.

A) 4,5 B) 1,2,3,5 C) 2,4,5 D) 2,3,4,5

22. Jonsiz narsalarning nomini bildirgan egalar uyushib kelganda kesimlar qanday sonda bo‘ladi?

A) ko‘plik sonda B) birlik va ko‘plik sonda C) birlik sonda D) birgalik nisbat shaklida

23. Ozoda bolalarning ruhlari toza, aqllari komil, badanlari sihat, dimog‘lari chog‘, o‘zlari qadrli va qimmatli bo‘lurlar («Ilmi axloq»dan) jumlasidagi uyushgan bo‘laklar gapning qaysi bo‘lagi hisoblanadi?

A) aniqlovchi B) to‘ldiruvchi C) hol D) kesim

24. Uyushiq fe’l-kesimlar o‘zaro qaysi grammatik vosita yordamida bog‘lana olmaydi?

A) balki zidlov bog‘lovchisi yordamida B) bog‘lovchi vazifasidagi –u, -yu yuklamalari yordamida C) bog‘lovchi vazifasidagi ham yordamchi so‘zi orqali D) bog‘lovchi vazifasidagi bilan yordamchi so‘zi orqali

25. Uyushiq bo‘laklarga xos bo‘lgan xususiyatlar qaysi javobda noto‘g‘ri izohlangan?

A) doim bir xil gap bo‘lagi vazifasida keladi B) doim bir so‘roqqa javob bo‘ladi C) doim o‘zaro teng yoki sanash ohangi yordamida teng bog‘lanadi D) A,B,C.

26. Quyidagi tinish belgilaridan qaysi birlari uyushiq bo‘lakli gaplarda ishlatiladi? 1) vergul; 2) ikki nuqta;

3) nuqtali vergul; 4) tire. A) 1,2 B) 1,2,3 C) 1,2,4 D) 12,3,4.

27. Gapning uyushiq bo‘laklari guruh-guruh bo‘lsa, yozuvda guruhlar orasiga qanday tinish belgisi qo‘yiladi?

A) nuqtali vergul; B) ko‘p nuqta C) ikki nuqta; D) vergul;

28. Qaysi gapda uyushiq bo‘laklar faqat sanash ohangi yordamida birikkan?

A) yo‘lda oq, pushti, sariq va qizil gullar uchraydi. B) Salim she’rni berilib, jo‘shib o‘qidi.C) Olim sharq xalqlarining madaniyati to‘g‘risida hurmat va iftixor bilan gapirdi. D) Anorxon bilan Tansiq yo‘l qurish bilan band edilar.

29.Gap tarkibida o‘zaro zidlov bog‘lovchisi bilan bog‘langan so‘zlar qanday gap bo‘lagi vazifasida kelishi mumkin?

A) biri ega, ikkinchisi kesim vazifasida B) biri aniqlovchi, ikkinchisi to‘ldiruvchi C) biri bosh bo‘lak, ikkinchisi ikkinchi darajali bo‘lak D) har ikkalasi ham bir gap bo‘lagi vazifasida

30. Gapda qanday bo‘lak uyushib kelgan? Shibilg‘oni deysizmi, shakarangur deysizmi, echkiemarmi – hammasi shu bog‘da bo‘lardi. A) to‘ldiruvchi B) aniqlovchi C) hol D) ega

Savol	16	17	18	19	20	21	22	23	24	25	26	27	28	29	30
javob	d	d	b	b	d	a	c	d	d	d	c	d	b	d	d