26-umumiy o`rta ta`lim maktabi boshlang`ich sinf o`qituvchisi chariyeva ugulshod karimovnaning o`qish fanidan “kuz hayajonlari

1. “Iqboli buyuksan” she’rining muallifi kim?
- Abdulla Oripov


2. “Xarita” mavzusida Rasul qayerning xaritasini chizdi?
- O’zbekistonning


3. Vatanimizning gullab- yashnashida Qodir boboning qanday hissasi bor?
- O`zbekistondagi Asaka avtomobil zavodida birinchilardan bo`lib ishga kelgan.


4.<<Na`matak haqida qo`shiq>> hikoyasida rassom yigit nima uchun tog`ga chiqdi?
- Tog`larda quyoshning uyg`onish manzarasini chizish uchun


5. Nima uchun 1991-yilning 31- avgustini mangulikka tatigulik kun deymiz?
- Chunki shu kuni O’zbekiston Respublikasi mustaqil deb e’lon qilindi.


6. Shu bo’limda Abdulla Oripovning qaysi she’ri bilan tanishdik?
- Iqboli buyuksan

7.Vatan qayerdan boshlanadi?
- Vatan ona tuproqdan boshlanadi.


8 . To’lqin Hayitning “Qodir boboning orzusi” hikoyasida Qodir boboning kasbini kim egallaydi?
- Nabirasi


9. Vatanimizning poytaxti qayer?
- Toshkent shahri
10. <>> hikoyasida shoir she`rda Vatanni nimaga o’xshatadi?
- Onaga

Bolalar bilan “Vatan” klasteri bajariladi

Tug`ilib o`sgan joy



Ajdodlar yashagan zamin



Kindik qoni to`kilgan tuproq







VATAN





Maktabimiz,
ko`chamiz,
mahallamiz



Ona allasi



Ilk qadam bosilgan tuproq


3.Yangi mavzu bayoni:
KUZ HAYAJONLARI Dilfuza Shomalikova
Kuz yozga alla aytdi. Qish esa kuzga allasini xirgoyi qilayotir. Bog`lar to`nini almashtirdi. Dov-daraxtlar bir xil rangga bo`yalgandek,yelkalariga sarg`imtir choponlarini ilishgan. Tabiat oltindek tovlanadi. Binolar ortidan boshlanadigan bog`lar,tutzorlar,yiroq adirlar,tepaliklar yarim beligacha qirmizi rang quyosh nuriga cho`miladi.
Yoz bo`yi yer-u kokni tandirday qizitgan quyoshning tafti so`ngan. Osmon-u falakda kuz havosi. Osmonda parqu bulutlar suzib yuribdi. Bulutlar esa kuzning darakchisi.Osmonning tusi o`zgaradi. Katta bayramga yasanayotgandek,yelkasiga guldor libos tashlagan kelinchakdek ko`zga yaqin bo`lib qoladi.
Gala-gala chumchuqlar ,chug`urchuqlar,maynalar daraxt shoxlari, simyog`ochlarga qo`nib olib,issiq o`lkalarga uchish maslahatini boshlaydilar. Janub tomon yo`l olgan turnalarning <> ovozini eshitgan bolalar ko`kka qarab qo`l silkib qoladilar. Qizaloqlar ham olis o`lkalarga yo`l olgan turnalarni xomush kuzatadilar.
Kuz havosi dillarga zavq bag`ishlaydi. Kishilar quyoshning taftidan rohatlanadilar. Onda-sonda osmonga ko`tarilgan qora bulutlar odamlarni qo`rqitmoq istaydi. Qish taraddudini ko`rishga undaydi. Ko`p o`tmay yomg`ir shivalaydi.
Dehqon bobo nabiralarim yesin deb chetanga qovun bosadi. Ekin-tikinlarni yig`ishtirishga kirishadi. Uzum,anor, behilarni ombor shiplariga osadi. Kartoshka,sabzi,sholg`omlarni o`raga joylaydi. Qo`llarini duoga ochib, yurtga tinchlik –totuvlik, elga hurlik, to`kinlik, yoshlarimizga bekam baxt-u saodat, ilm-u ma`rifat so`raydi.
Hosil yig`ilmasdan havo aynisa,yomg`ir momolarning yuragiga yog`gandek bo`ladi. Katta-kichik dalada paxta hosilini tezroq yig`ib olmoq payida. Ularning chehrasi quyosh aksi ko`chgandek tovlanadi.
Hademay o`lkamizda hosil bayrami boshlanadi.
Darslikning 19 –sahifasidagi mavzuni ifodali o’qib ,mazmunini so’zlab berish.
Mavzuni bolalarga mustaqil o’qitish.