26-noyabr kuni Maktabgacha va boshlang‘ich ta’lim fakultetida quyidagi kuzatuv ishlari amalga oshirildi

Samarqand davlat universiteti Maktabgacha va boshlang‘ich ta’lim fakultetida “Davlat tili haqida”gi Qonun hamda “Lotin yozuviga asoslangan o‘zbek alifbosini joriy etish to‘g‘risida”gi Qonunlarning amaldagi tatbiqi yuzasidan savolnoma asosida o‘tkazilgan kuzatish ishlarining

HISOBOTI

26-noyabr kuni Maktabgacha va boshlang‘ich ta’lim fakultetida quyidagi kuzatuv ishlari amalga oshirildi:

Savolnomadagi birinchi band yuzasidan fakultet binosida “Davlat tili haqida”gi Qonun hamda “Lotin yozuviga asoslangan o‘zbek alifbosini joriy etish to‘g‘risida”gi Qonunlari talablarining bajarilishi holatini o‘rganish natijasida shu narsa aniqlandiki, bu yerda hech qanday shiorlar yoki to‘garak jadvallari yo‘q, faqatgina dars jadvali mavjudligi, unda o‘ va g‘ harflarining qoshi noto‘g‘ri yozilgan.

Ikkinchi band yuzasidan olib borilgan ishlar natijasida shu narsa aniqlandiki, dekanatdagi hujjatlarda krill alifbosidagi yozuvlar mavjud, imloviy va ishoraviy xatolar ham bor.

Uchinchi band yuzasidan olib borilgan ishlar natijasida shu narsa aniqlandiki, kafedralardagi hujjatlarda ham imloviy xatolar mavjud, o‘ va g‘ harflarining qoshlari, tutuq belgisining ishorasi noto‘g‘ri qo‘yilgan. Krill alifbosidagi matnlar ham mavjud.

To‘rtinchi band yuzasidan shu narsa aniqlandiki, darsliklar, o‘quv qo‘llanmalari lotin alifbosida yuritilmoqda. Bu yerdagi hujjatlarda ham yuqoridagi kamchiliklar mavjudligi aniqlandi.

Beshinchi band yuzasidan olib borilgan ishlar natijasida shu narsa aniqlandiki, jurnallar lotin alifbosida yuritilgan, lekin ba’zi ustozlar jurnal to‘ldirishda imloviy xatolarga yo‘l qo‘ygan. Krill alifbosida to‘ldirilgan sahifalari mavjudligi aniqlandi.

Oltinchi band yuzasidan olib borilgan ishlar natijasida shu narsa aniqlandiki, 21-oktabr-Davlat tili bayramiga bag‘ishlangan tadbir tashkillashtirilgan. “Davlat tili haqida”gi Qonun hamda “Lotin yozuviga asoslangan o‘zbek alifbosini joriy etish to‘g‘risida”gi Qonunlarni rivojlantirish, ularni targ‘ib qilish borasida boshqa hujjatlar ko‘rsatilmadi.

Urokov Xasan Ulmasovich