24-mavzu Muayyan muammolarni hal qilishda qo`llanadigan tuzilmalardan foydalanish

24-mavzu Muayyan muammolarni hal qilishda qo`llanadigan tuzilmalardan foydalanish
Reja:

1. 
   Tarmoqlanuvchi hisoblash jarayonlarini algoritmlash
   
2. 
   Hisoblash jarayonlarini dasturlash
   

Tarmoqlanuvchi hisoblash jarayonlarini algoritmlash va dasturlash
Ko’pgina masalalarni yechishda ba’zi bir jarayonlar ma’lum shart yoki shartlarning qo’yilishiga nisbatan bajariladi. Bunday jarayonlar tarmoqlanuvchi jarayonlar deb yuritiladi va bu jarayonlarning algoritmik tavsiflari bilan avvalgi boblarda tanishgan edik.
Tarmoqlanuvchi hisoblash jarayonlari oddiy va murakkab bo’lishi mumkin. Bu esa jarayondagi tarmoqlar soniga bog’liq. Ma’lum bir tarmoqlanuvchi jarayon tarkibida yana tarmoqlanishlar bo’lishi mumkin. Bunday tarmoqlanishlari bor bo’lgan hisoblash jarayonlari murakkab tarmoqlanuvchi hisoblash jarayonlari deb ataladi.
Tarmoqlanuvchi jarayonlarni dasturlash. Tarmoqlanuvchi jarayonlarni dasturlash uchun shartsiz, shartli o’tish va tanlash operatorlaridan foydalaniladi.
Shartsiz o’tish operatori
Dasturda ba’zi bir hollarda boshqaruvni to’g’ridan-to’g’ri biron bir operatorga uzatishga, ya’ni dasturning bajarilish ketma-ketligini buzishga to’g’ri keladi. Bu jarayon shartsiz o’tish operatori yordamida bajariladi.
Shartsiz o’tish operatorining umumiy ko’rinishi quyidagicha:
GOTO ;
Bu yerda operator belgisi boshqaruv uzatiladigan operator belgisidir. Belgi sifatida 0-9999 oraliqdagi natural sonlar va CHAR toifasidagi belgilar (simvollar) ishlatiladi.
Belgi tavsiflash bo’limining LABEL bo’limida albatta tavsiflangan bo’lishi shart.
Misol:
GOTO 25;
.
.
25: y:qx*x;
Belgili operatorda belgi bilan operator o’rtasida « : » belgisi qo’yiladi. Bu operatorning noto’g’ri qo’llanilishi dasturning bajarilishiga halaqit beradi. Shuning uchun, dasturda bu operatorning kamroq uchrashi maqsadga muvofiqdir.