23-ma’ruza 23-mavzu: lub va kimyomiy tolalardan ip yigirish reja

Зиғир йигириш системаалари турли ўтимлари схемаси
а – карда тарашсиз қайта тараш; б – карта тарашли қайта тараш; в – карда
Zig’ir tolasini karda tarashsiz qayta tarash sistemasi

Bu yigirish sistemasida savalgan zig’ir tutamlar ko’rinishida uzun tolalardan iborat bo’ladi, to’g’rilangan, lekin kerakli darajada ravon bo’lmaydi, Chiziqiy zichliklari va texnik tolalar uzunligi xar xil bo’ladi, ularda shikastlangan tolalar va o’zak bo’ladi.

Savalangan zig’irni qayta tarashga tayyorlash jarayonida u emulsiyalanadi va elastiklik va tolalar pishiqligini oshirish, tolalarning tarashda ignalarga ishqalanish koeffitsientini kamaytirish uchun namlanadi. Emulsiyalash va namlash hisobiga qayta tarashda tolalarning uzilishlar soni kamayadi, shunday ekan, tarandi miqdori ham kamayadi.Emulsiyalangan tolaga 24 soat dam beriladi. Dam berishning maqsadi – emulsiyaning tolali massaga birdek singishi.
Emulsiyalangandan so’ng savalangan zig’ir tutamlari 100-140 g dan tolali qismlarga bo’linadi, ularning har birini ravonlashtirish va tolaning chigal uChlarini ajratish, ya’ni zig’ir tarash mashinasida tolalarning uzilishlar sonini kamaytirish uchun qo’l taroqlari yordamida dastlab taraladi (bu operatsiya olish deb ataladi). Olish jarayonida 4% dan 6% gacha tarnadi ajraladi.
Olishdan so’ng texnik tola qismlari zig’ir tarash mashinasiga uzatiladi.
Zig’ir tarash mashinalarida zig’irni qayta tarash dag’al texnik tolalarni anCha ingiChkalashtirish, ravonlashtirish va uzun tolalari to’g’rilash, kalta tolalarni tarash, tolalarni o’zakdan va boshqa xas-cho’plardan tozalash maqsadida bajariladi.
Savalgan zig’irni qayta tarashning mohiyati taroqli qatlam ignalarining zig’ir tutamiga ta’siridan iborat, natijada texnik tolalar (tola komplekslari) ancha ingichkalashadi, chigal, kalta tolalar va xas-cho’plar taraladi, uzun tolalar to’g’rilanadi va qism bo’yicha yo’naltirilgan bo’ladi.
Zig’ir tarash mashinasidagi jarayoni davriy bajariladi. Mashinaning bir tomonida avval tolalar uChlari, keyin boshqa tomonida esa tolalarning pasti yo’g’on qismi taraladi. Bunda qimning o’rtasi ikki martta taraladi.