Мохов инсон танасида нималарни содир этади?
- аъзолар мизожини
-аъзоларнинг кўринишини
-аъзолар узлуксизлигини бузади
-ҳатто аъзолар ейилиб, яраланиш туфайли тушиб кетади
Мохов касаллигининг энг биринчи таъсир этувчи сабаби, жигар мизожининг жуда иссик ва курукликка мойил бўлиб бузилишидир. Бунда қон куйиб савдога айланади ёки бутун бадан мизожининг бузилишидир, яъни бу иккала мизож шу даражада бузиладики, у туфайли қон совиб қуйилади.
Моховнинг моддий сабаби эса, савдони туғдирадиган овқатлардир: балғам туғдирадиган овқатлар ҳам, агар уларни истеъмол қилганда устма-уст меъда бузилса, уларда ҳарорат таъсир қилиб, суюқ қисмини тарқатади ва қуюғидан савдо кўпаяди.
Мохов касаллигини келтириб чикарувчи ёрдамчи сабабларга нималар киради?
Тери тешиклари тўсилиб, туғма ҳароратнинг бўғилиши ва қоннинг совиб қуюлиши, айниқса, талоқнинг қонни торта олмайдиган ва уни савдо хилтидан тозалашга қуввати етмайдиган даражада кучсиз бўлишидир.
Мохов аввало, қўл-оёқлар ва юмшоқ аъзолардан бошланади, шу аъзоларнинг мўйи тўкилиб, ранги ўзгаради, баъзан эса яраланади, сунгра эса мохов бутун баданга ёйилади.
Моховнинг белгилари:
-бадан ранги қораликка мойил бўлиб қизаради
-кўзда қизғиш хиралик пайдо бўлади
-нафас қисилади
-ўпка ва ўпка найининг зарарланиши туфайли товуш бўғилади
-аксириш кўпаяди
-бурун дўнғиллаб манқаланади
-бурунда тиқилма пайдо бўлиб, хид сезмайди
-мўй сийраклашиб камаяди
-кўкрак ва юз атрофи терлайди
-бадан сассиқ ҳидли бўлади
-тентаклик ва кишиларни кўролмасликдан иборат савдойи хўлқ пайдо бўлади
-савдога тегишли тушларни кўп кўради.
Қувватнинг заифлашиши, ҳароратни сўндиришга бўлган эхтиёжнинг камлиги сабабли, мохов касаллигига учраган кишининг томир уриши заиф бўлади, чунки мохов совук мизождан келиб чиқадиган касалликдир.
Даволаш:
1.Касаллик оғирлашишидан олдин организмни бўшатиш, тозалаш тадбирини қўллаш
2.Касалга қон кўплиги аниқланса, унинг иккала қўлидан бўлса ҳам тезда етарли даражада қон олиш керак. Томирдан қон олингандан сўнг касалга бир ҳафта дам бериш, кейин Абу Жахл тарвузининг этидан тайёрланган иёраж билан бўшатиш лозим.
3.Ичишга: ифъо илонидан тайёрланадиган кулчалардан елгил ўзидан ҳар галл бир мисқолдан олиб, ё 1уқия қуюқ шароб ёки тилло шароби ичилади.
4.Бундай касалларга бериладиган овқатлар эса тезда ҳазм бўладиган яхши каймусли нарсалар, масалан, маълум қуш гўштларининг қайнатма шўрваси ва гўшти енгил ҳазм бўладиган янги баликдир, буларга зарур дорилар қўшиб берилади.
Do'stlaringiz bilan baham: |