21. Ekish agregatlarini ishga tayyorlash

21.Ekish agregatlarini ishga tayyorlash
Seyalkalarni ishga tayyorlash va sozlash tartiblari
• STX-4, SCHX-4, SXU-4, SMX-4 rusumli seyalkalarning ekish apparatlariga tukli chigitdan ma’lum miqdorda solib, er sharoitiga qarab har bir metrga 30 dan 50 donagacha tushadigan qilib sozlash kerak. Buning uchun seyalkani ko‘tarib qo‘yiladi va uning g‘ildiraklari aylantirilib, ekish apparatlariga harakat beriladi va bir metrga tushayotgan chigit miqdori aniqlanadi. Agar sarf qilinadigan urug‘ miqdori belgilangan me’yordan ortiq bo‘lsa, ekish g‘altaklaridagi tirqishni toraytirish, kam bo‘lsa kengaytirish zarur.
• Chigit uyalab ekilganda uyalar orasidagi masofa uyalovchi apparatni harakatga keltiruvchi valdagi 12, 16, 18 va 25 tishli yulduzchalar hamda uyalovchi diskning parraklari sonini o‘zgartirish orqali sozlanadi.
• Chigitning ko‘mish chuqurligi sirpanchiqni ko‘tarib-tushirish yo‘li bilan 3-8 sm atrofida sozlanadi. Er obi-tobida bo‘lsa, chigitni 4-5 sm chuqurlikka ko‘mib ketadigan qilib sozlash maqsadga muvofiq.
Seyalka soshnigi hamda tuproqni zichlovchi katoklarning erga ko‘rsatadigan bosimi seksiyalardagi taranglovchi prujinalar yordamida sozlanadi. Bu bosim dinamometr bilan o‘lchaganda 30-35 kg kuchga teng bo‘lishi kerak.
• Seyalka soshnigi hamda tuproqni zichlovchi katoklarning erga ko‘rsatadigan bosimi seksiyalardagi taranglovchi prujinalar yordamida sozlanadi. Bu bosim dinamometr bilan o‘lchaganda 30-35 kg kuchga teng bo‘lishi kerak.
• Ekish agregatlari dalaga olib chiqilgandan keyin har bir paykalda bayroqchalar bilan ekish chiziqlari belgilanadi. Qator orasini kengligiga qarab markerlar uzunligi tanlanadi. Agar qator oralari 60 sm bo‘lsa, u vaqtda oxirgi soshnik tumshug‘idan marker diskigacha bo‘lgan masofa 150 sm, qator oralari 90 sm bo‘lganda esa 225 sm bo‘lishi kerak. Bu masofa marker diskini uning o‘qi bo‘ylab siljitish orqali rostlanadi.
• Dala sharoitida chigitning to‘liq tushishi va uning ko‘mish chuqurligi seyalkachi tomonidan doimo kuzatilib boriladi.
G‘ildirakdan harakatni uzatilishi.
Seyalka soshnigining yurish
chuqurligini sozlash.
Taranglovchi prujinani sozlash
Mashinalarning ish sifatini baholash
• Mashinalarning ish sifatini baholash
• Ekish agregatlarning ish sifati asosan ekilayotgan urug‘larni belgilangan miqdorda ekilishi va taqsimlanishi, qator oralariga qarab marker uzunliklarini tanlashi, asosiy qator kengligining me’yorida bo‘lishi hamda o‘g‘it solish soshniklari bilan chigit soshnigi orasidagi masofalarning to‘g‘riligi bilan belgilanadi.
• 60 sm li qator oralig‘ida ekilganda marker uzunligi 150 sm ni, 90 sm li qator oralig‘ida esa 225 sm ni tashkil qilishi kerak.
• Chigitni ko‘mish chuqurligi belgilangan ko‘rsatkichdan ±1 sm dan ortiq farq qilmasligi va ekish aniqligi 90% kam bo‘lmasligi kerak. Yondosh qatorlarning belgilangan me’yordan oshishi ±5 sm, asosiy qatorlarniki esa ±1 sm dan oshmasligi darkor.
• O‘g‘it solish soshniklari bilan chigit soshnigi orasidagi masofa 8-10 sm dan oshmasligi zarur, bunda o‘g‘it soshniklari chigit soshniklariga nisbatan 3-5 sm chuqurroqda yurishi lozim.
• Ekish sifati asosan ko‘chatlar qiyg‘os unib chiqqandan keyin egatlarning to‘g‘riligi, nihollarni bir tekisligi va qalinligi bilan baholanadi.