2021 Ўзбекистон маданияти ва санъати тарихи

Лаввоҳ
қўлёзма китоб саҳифаларига жило берувчи уста, рассом.
Пештоқ	мадраса, масжид, мақбара, карвонсарой ва бошқа жамоат биноларининг олд томони – кириш қисми. Пештоқ бинонинг ҳашаматли баланд, безакдор меъморий бўлаги бўлиб, одатда бино девори сатҳидан бироз бўрттириб чиқарилади. Асосий ўрнини марказий равоқ, унинг икки ёнидаги даҳанаси ва тепасидаги икки учбурчак қанос ва китоба ташкил этади.
Ҳафтияк	форс. – еттидан бир) – Қуръони каримнинг еттидан бир қисми битилган китоб. Ёш қориларга қулай бўлсин учун Қуръон сураларидан бир нечтаси (13-14 та) танланиб, қироат китоби шаклига келтирилган.
Дегрез	(тож. “дег” – қозон, “рез” – қуймоқ феълининг ҳозирги замон ўзаги) – чўяндан қозон қуювчи уста-хунарманд
Жариб	ўрта асрларда амалда бўлган юза, ҳажм, оғирлик ва ер ўлчов бирлиги. Шарқ мамлакатларида, жумладан Ўрта Осиёда VII асрдан бошлаб қўланилган. Юза ўлчов бирлиги сифатида бир жариб бир танобга тенг: 1Ж.=1 таноб = 3600 кв.газ. Оғирлик ўлчов бирлиги сифатида турли жойда жарибнинг миқдори турлича VII-IX асрларда 1 жариб – 22,825 кг, X-асрда эса 32,5 - 108,3 кг оралиғида бўлган
Таштхона	Ўрта асрларда подшолар саройида идиш-товоқ ва бошқа меҳмондорчилик анжомлари сақланадиган хона.
Бақтрия ёзуви	милоддан аввалги IV аср охиригача қадимги Бақтрия ҳудудларида оромий ёзуви ишлатиб келинган.

Кириш

Ўзбекистоннинг маданияти ва санъати тарихи фан сифатида. Унинг ижтимоий фанлар тизимида тутган ўрни. Курсни ўрганишнинг мақсад ва вазифалари, предмети. Ўзбекистоннинг санъати тарихига янгича ёндашув. Ўзбекистоннинг санъати тарихини ўрганишда миллий ғоянинг роли. Ўзбекистоннинг санъати тарихи фанини ривожлантиришда Президент И.А.Каримовнинг “Тарихий хотирасиз келажак йўқ”, “Юксак маънавият – енгилмас куч” асарларининг аҳамияти. “Кадрлар тайёрлаш Миллий Дастури”да кўрсатиб ўтилган талаба-ёшларнинг тарихий дунёқарашини бойитиш, уларда мустақил фикрни қарор топтириш, Ўзбекистоннинг санъати тарихининг инсон ва жамият тарихи билан узвий боғлиқлигини кўрсатиб бериш.