2021-yil 25-noyabr 2021-yil

Тадқиқот методологияси. 
Бугунги кунда жаҳон бозори конъюнктураси 
кескин ўзгариб, глобаллашув шароитида рақобат тобора кучайиб бораётгани 
давлатимизни янада барқарор ва жадал суръатлар билан ривожлантириш учун 
мутлақо янгича ёндашув ҳамда тамойилларни ишлаб чиқиш ва рўёбга чиқариш-
ни тақозо этмоқда. Аграр соҳада олиб борилаётган ислоҳотлар самарасини 
янада ошириш, қишлоқ хўжалиги корхоналари учун шарт-шароитлар яратиш 
ва уларни ривожлантириш бўйича бир қатор чора-тадбирлар амалга оширилди. 
Ҳозирда қишлоқ хўжалиги ишлаб чиқаришини изчил ривожлантириш, мам-
лакат озиқ-овқат хавфсизлигини янада мустаҳкамлаш, экологик тоза маҳсулот-
лар ишлаб чиқаришни кенгайтириш, аграр секторнинг экспорт салоҳиятини 
сезиларли даражада ошириш бўйича Ўзбекистон республикасини янада ривож-
лантириш бўйича “Ҳаракатлар стратегияси”да устувор йўналишлар белгилан-
ган. Жумладан, “...қишлоқ хўжалиги маҳсулотларини чуқур қайта ишлаш, ярим 
тайёр ва тайёр озиқ-овқат ҳамда қадоқлаш маҳсулотларини ишлаб чиқариш 

---

36
бў йича энг замонавий юқори технологик асбоб-ускуналар билан жиҳозланган 
янги қайта ишлаш корхоналарини қуриш, мавжудларини реконструкция ва мо-
дернизация қилиш бўйича инвестиция лойиҳаларини амалга ошириш...” [2].
Ҳозирги инновацион иқтисодиётда аграр бозор барқарорлигини таъмин-
лаш учун қишлоқ хўжалиги маҳсулотлари етиштиришнинг барча бўғинларини 
кенг қамраб олган ҳолда, бизнес лойиҳаларни амалга ошириш лозим бўлади. Бу-
нинг учун қишлоқ хўжалиги маҳсулотларини етиштиришда нав танлаш, селек-
ция иши, ҳосилни йиғиш агротехнологияси, маҳсулотни саралаш, қайта ишлаш, 
қадоқлаш ва сотиш тизимларини ўз ичига олган комплекс чора-тадбирлар 
ишлаб чиқишни такомиллаштиришни тақозо этмоқда. 
Ҳозирги замон иқтисодиётининг ўзига хос хусусияти ва бозордаги рақо-
бат асосини, биринчи навбатда, маҳсулот ҳамда хизматлар ишлаб чиқаришдаги 
ресурслар сарфини тежаш, ортиқча сарф-харажатларнинг олдини олишга қа-
ратилмоқда. Бу эса рақобат курашида устунликка эга бўлиш ва ишлаб чиқариш 
жараёнини давом эттиришнинг энг содда ҳамда самарали усули ҳисобланади. 
Шунингдек, эркин бозордаги рақобат курашида устунликка эришиш учун аграр 
бозор субъектлари нафақат замонавий технологиялар ва шунингдек малакали, 
эркин бозор шароитида ишлаш кўникмасига эга бўлган мутахассисларга ҳам эга 
бўлиши лозим бўлади.
Бугунги кунда қишлоқ хўжалигида қишлоқ хўжалиги маҳсулотлари етишти-
рувчилар ўртасида етарли даражадаги рақобат муҳити яратилганлигига қара-
масдан, тайёр маҳсулотлар сотиш тизими замон талаблари даражасида риво-
жланмаганлиги маҳсулотларини экспорт қилиш жараёнига ҳам таъсир кўрсат-
моқда. 
Эркин бозор шароитида аграр бозор фаолиятини давлат доирасидаги иқти-
содий, ҳуқуқий ва ташкилий жиҳатдан комплекс мувофиқлаштирувчи дастаклар 
орқали мутаносиб ривожлантирмасдан туриб кутилган натижаларга эришиб 
бўлмайди.