2021, Maxsus son “pedagogik mahorat” ilmiy-nazariy va metodik jurnal issn 2181-6883

Key words: petroglyphs, title inscriptions (epigraphy), floral ornaments, geometric ornaments, interior, 
porch, symbolic pattern. 
Kirish.
Oʻzbekiston xalqlari tarixini, qadriyatlarini, ilm-u fan, san’ati va madaniyat durdonalarini har 
tomonlama ilmiy oʻrganish, tahlil etish va amalda bajarish, hozirgi kunda g‘oyat muhim ahamiyat kasb etadi.
Qadimdan ulug’lanib kelgan xalq amaliy bezak san'ati asarlari nafaqat bugunimiz, balki kelajak 
avlodlarimizning ham boy ma'naviy merosi va qadriyatlari sifatida qaraladi. Yoshlarimizni har tamonlama 
yetuk, hozirgi zamon talab darajasiga javob bera oladigan, har sohada raqobatbardosh qilib tarbiyalash bugungi 
kunimizning dolzarb vazifalaridan biridir.
Asosiy qism.
Oʻzbek xalq amaliy bezak san’ati qadimiy san’at turlaridan biri boʻlib, azaldan dunyoga 
mashur boʻlib kelgan. Amaliy bezak san’atining tarkibiy qismini tashkil etuvchi naqqoshlik, ganch 
oʻymakorligi, yog’och oʻymakorligi va boshqa bezak berishda qoʻllaniladigan san’at turlari oʻzining 
qadimiyligi, goʻzalligi va jozibasi bilan kishilar qalbidan chuqur joy egallagan. Ramziy ma’nodagi islimiy va 
hansaviy naqsh elementlarining oʻzaro uyg’ynlashuvidan hosil boʻluvchi naqsh kompozitsiyalari amaliy san'at 
asarlariga chiroy bag’ishlaydi. Bu amaliy bezak san’at turlarida kompozitsiya tuzishning oʻziga xos usullari 
mavjud boʻlib, ushbu naqsh bezaklari ustalarning falsafiy dunyoqarashlari, goʻzallik haqidagi tasavvurlarini 
namoyon etadi. 
Oʻzbekiston Respublikasi Prezidentining 2017-yil 7-fevraldagi “Oʻzbekiston Respublikasini yanada 
rivojlantirish boʻyicha Harakatlar strategiyasi toʻg’risida”gi, PF-4947-sonli Farmoni, yangi Oʻzbekistonni 
dunyoga tanitish, iqtisodiyotini koʻtarish, turizmni rivojlantirish yoʻlida qoʻyilgan muhim qadamlardan biridir. 
Uchinchi renessans davri deb etirof etilayotgan bir paytdda, amaliy san’atga boʻlgan e’tiborning davlat 
tomonidan qoʻllab quvatlanishi, shu bilan birga, bu sohada yangi oʻquv rejalari, dasturlar, oʻquv qoʻllanma va 
darsliklarni yaratish muhim ahamiyatga ega. 
Rejalashtirilgan bu islohotlar amaliy bezak san’ati orqali talabalarda badiiy tafakkur, ijodiy qobiliyat, 
koʻrib eslab qolish, fazoviy tasavvurini shakllantirish, san’at asarlariga nisbatan estetik munosabatni, 
goʻzallikka boʻlgan muhabbatni uyg’otish, ularni dunyoqarashlarini ma’naviy jihatdan oʻstirish va amaliy 
bezak san’atining keng tarqalgan namunalarini amalda bajarish yoʻllarini oʻrgatish nazarda tutilgan. 

---