2021 йил «29» декабрь 169-8-113-Q/21

e-qaror.gov.uz
14.09.2022
9
Қизириқ туман ҳокимининг
2021 йил 29 декабрдаги
169-8-113-Q/21-сон қарорига
4-илова
“Mahallabay” ishlash va tadbirkorlikni rivojlantirish markazi va hokim
yordamchisi toʻgʻrisida
NAMUNAVIY NIZOMI
1-bob. Umumiy qoidalar
1. Ushbu Namunaviy nizom Mahallabay ishlash va tadbirkorlikni
rivojlantirish markazi (keyingi oʻrinlarda — Markaz), markaz xodimlari hamda
mahallada tadbirkorlikni rivojlantirish, aholi bandligini ta’minlash va
kambagʻallikni qisqartirish boʻyicha hokim yordamchisi (keyingi oʻrinlarda –
Hokim yordamchisi)ning maqomi, asosiy vazifalari, huquq va majburiyatlarini,
shuningdek, ularning faoliyatini tashkil etish tartibini belgilaydi.
2. Markaz tuman hokimligi tarkibidagi yuridik shaxs maqomiga ega
boʻlmagan muassasa hisoblanadi.
3. Markaz faoliyati tuman hokimining moliya-iqtisodiyot va kambagʻallikni
qisqartirish masalalari boʻyicha birinchi oʻrinbosari tomonidan muvofiqlashtirib
boriladi.
4. Markaz oʻz faoliyatini Oʻzbekiston Respublikasi Konstitutsiyasi va
qonunlariga, Oʻzbekiston Respublikasi Oliy Majlisi palatalarining qarorlariga,
Oʻzbekiston Respublikasi Prezidentining farmonlari, qarorlari va farmoyishlariga,
Oʻzbekiston Respublikasi Vazirlar Mahkamasining qarorlari va farmoyishlariga,
boshqa qonunchilik hujjatlariga hamda ushbu Namunaviy nizomga muvofiq
amalga oshiradi.
5. Markaz faoliyati Oʻzbekiston Respublikasi Davlat budjeti mablagʻlari
hisobidan moliyalashtiriladi.
6. Markazning rasmiy nomlanishi:
toʻliq nomi — “Surhondaryo viloyatining Қизириқ tumani hokimligi
“Mahallabay” ishlash va tadbirkorlikni rivojlantirish markazi”;
qisqartirilgan nomi — “Qiziriq tumani Mahallabay ishlash markazi”.
7. Markaz oʻz faoliyatini tuman hokimligi tarkibiy boʻlinmalari,
fuqarolarning oʻzini oʻzi boshqarish organlari (keyingi oʻrinlarda - mahalla) hamda

---