2020 йилнинг 20 июль куни “Замонавий психология ва педагогика: муаммолар, таҳлиллар ва натижалар”

АХБОРОТ ХАТИ
Олий ва ўрта махсус таълим вазирлиги, Фарғона давлат университети ва Research Support Center (Илмий тадқиқотларни қўллаб-қувватлаш маркази) ҳамкорликда 2020 йилнинг 20 июль куни “Замонавий психология ва педагогика: муаммолар, таҳлиллар ва натижалар” мавзусида халқаро миқёсда илмий рецензияланган онлайн-конференция ўтказиш режалаштирилган.
Анжуманнинг мақсади: Ўзбекистон Республикасида педогогика ва психология йўналишларида олиб борилаётган илмий-тадқиқот ишларининг сифат даражасини ошириш ва амалиётга тадбиқ этилишига кўмаклашиш. Шу билан биргаликда мамлакатимиз олимлари ўртасида илмий алоқаларни ўрнатилишини янада мустаҳкамлаш.
Шу муносабат билан 2020 йилнинг 10 июлигача бўлган муддатда маърузалар тезисларини ўзбек, рус ёки инглиз тилларида Илмий тадқиқотларни қўллаб-қувватлаш маркази (Research Support Center) расмий сайтига (www.e-science.uz) электрон кўринишда юборишингизни сўраймиз.
Конференцияга қуйидаги йўналишлар бўйича тезислар қабул қилинади:
1-шўъба: Таълимдаги замонавий ислоҳотларнинг шахс психик тараққиётига таъсири;
2-шўъба: Соғлом турмуш тарзини шакллантиришнинг ижтимоий-психологик механизмлари;
3-шўъба: Таълимни модернизациялаш шароитида таълим сифатини ошириш тенденциялари;
4-шўъба: Узлуксиз тарбия жараёнини такомиллаштиришнинг замонавий ёндошувлари.
Барча маърузалар тезислари таҳририят томонидан анонимлаштирилган ҳолатда текши-рилади ва текширувдан ижобий ўтган тезислар муаллифларига тўлов реквизитлари юборилади. Ҳар бир тақриздан ижобий ўтган тезиснинг бир бети учун тўлов 15 000 сўм. Тўлов амалга оширилган мақолалар нашр этилади ҳамда ҳар бир муаллифга электрон СЕРТИФИКАТ берилади. Маърузалар тезисларида берилган маълумот учун муаллифларнинг ўзлари жавобгар ҳисобланади. Конференция материаллари тўплами ва сертификатларни 2020 йил 30 июль кунидан бошлаб, Илмий тадқиқотларни қўллаб-қувватлаш марказининг (www.e-science.uz) ҳамда Фарғона давлат университетининг (www.fdu.uz) расмий веб сайтидан олиш мумкин. Конференция тўпламида нашр этилган илмий тезисларнинг ҳар бирига алоҳида DOI рақам берилади ҳамда халқаро базаларида индексацияланади.
Мазкур онлайн конференцияда иштирок этишни истаган профессор-ўқитувчилар ва илмий тадқиқотчилар ўз илмий изланишлари натижасида тайёрланган маърузалар тезисларини тақдим этишлари мумкин. Онлайн конференция 2020 йилнинг 20 июль куни соат 14:00 дан бошлаб “Zoom” платформаси орқали амалга оширилади.
Конференцияга тезис юбориш учун Илмий тадқиқотларни қўллаб-қувватлаш марказининг телеграм каналига аъзо бўлишни унутманг: @researchsupportcenter