2020 йил “13” январь

1. __________С.П.Пирназаров 1._____________Р.Рузимуродова
2. __________Ш.Даминова 2. _____________О.Норқобилов
3. __________М.Эшқувватов 3._____________ Д.Лутфуллаева

1. 
   УМУМИЙ ҚОИДАЛАР
   

1.1. Мазкур жамоа шартномаси (кейинги ўринларда “Шартнома”) Қарши шахар тиббиёт бирлашмасида (бундан буён “Муассаса”) иш берувчи билан ходимлар ўртасидаги меҳнатга оид, ижтимоий-иқтисодий ва касбга оид муносабатларни тартибга солувчи локал норматив ҳужжат ҳисобланади.
Мазкур Шартноманинг тарафлари деб қуйидагилар ҳисобланади:
- иш берувчи Бахрамова Мохигул Мамарасуловна тимсолида
- ходимлар Усмонов Адхам Хакимович тимсолида
1.2. Шартнома имзоланган кундан кучга киради ва 2022 йил 1 апрелгача амал қилади. Белгиланган муддат тугагач, жамоа шартномаси тарафлар янги шартнома тузгунча ёки амалдаги шартномани ўзгартиргунча, тўлдиргунча амалда бўлади.
1.3. Мазкур Шартнома Иш берувчига ва Муассасанинг барча ходимларига, шу жумладан, Қарши шаҳар кўп тармоқли поликлиникаси, Қарши шаҳар 1, 2, 3, 4, 5. 6-сонли оилавий поликлиникалари, Қарши шаҳар сил касалликлари диспансерининг барча ходимларига, шу жумладан жамоа шартномаси кучга киргандан кейин мазкур муассасаларга ишга қабул қилинган шахсларга ҳамда ўриндош ходимларга ҳам тадбиқ этилади.
Мазкур Шартномада назарда тутилган ҳолларда унинг айрим қоидалари қуйидагиларга нисбатан ҳам тадбиқ этилади:
- ходимнинг оила аъзоларига;
- ёшга доир пенсияга кетиши муносабати билан меҳнат муносабатлари иш берувчи томонидан бекор қилинган шахсларга;
- меҳнат вазифаларини бажариш билан боғлиқ ҳолда меҳнатда майиб бўлиши, жароҳатланиши, касб касаллигига чалинган ва меҳнат вазифаларини бажариш билан боғлиқ ҳолда соғлиғига бошқача тарзда шикаст етиши сабабли вафот этган ходим қарамоғида бўлган ва зарар тўловини олиш ҳуқуқига эга бўлган меҳнатга қобилиятсиз шахсларга.