2019 O‘qish oxi

Oyijonlar,  onalar
Kavsar  Turdiyeva
Ayting,  qachon  nurga  to‘lar
Xonadon-u,  xonalar?
Ostonadan  qadam  qo‘ysa,
Unga  aziz  onalar!
Safargami,  shahargami,
Olislasak  bir  qadam,
Bizni  darrov  eslagan  kim,
Izlagan  qaysi  odam?
Naqarot:
Bu  ayadir,  bu  oyidir,  bu  buvidir,  onadir,
Bolasi  deb,  lolasi  deb  onajonlar  yonadir.
Bolajonlar  istaganda,
Kim  quyoshga  aylanar?
Yuragida  ko‘rinmas  ip
Bolasiga  boylanar,
Bolasi  deb,  lolasi  deb,
Kim  dunyoni  kezadi?
Qoqilganin,  yiqilganin
Ko‘rmasa  ham  sezadi.
Naqarot:
Bu  ayadir,  bu  oyidir,  bu  buvidir,  onadir,
Bolasi  deb,  lolasi  deb  onajonlar  yonadir.
Qani,  ayting,  kim  bizlarga,
Suyuklardan  suyukdir?
http://eduportal.uz

---

145
Xonlardan  ham,  beklardan  ham,
Shohlardan  ham  buyukdir.
Ulug‘vordir,  beg‘ubordir,
U  erishgan  martaba.
Takrorlaylik,  takrorlaylik
Nomin  ko‘plab  martaba.
Naqarot:
Bu  ayadir,  bu  oyidir,  bu  buvidir,  onadir,
Bolasi  deb,  lolasi  deb  onajonlar  yonadir.
1.  She’rni  ifodali  o‘qing.
2.  „Mening  onam“  mavzusida  hikoya  tuzing.