2019 O‘qish oxi

O‘quvchilar  oromgohida
Anvar  Obidjon
Bahodir  dam  olishga
Ketmoqda  edi.
Kuchukchasi:

---

208
„Vov...  Men  ham
Boraman“,  dedi.
Ola  ketdi  bolakay,
Do‘stini  birga.
Tushda  yetib  borishdi
Ko‘m-ko‘k  adirga.
Bahodirni  e’zozlab,
Kutib  olishdi.
Kuchukni  ham  tez  kunda
Sevib  qolishdi.
Chunki  qo‘shiq  mashq  qilsa,
Bolalar  agar
Akillardi  jo‘r  bo‘lib,
Quvnoq  Olapar.
Goh  hammaga  qo‘shilib,
O‘ynardi  futbol.
U  yoki  bu  tomonga
Urar  edi  gol.
Shaxmatga  ham  ozmi-ko‘p
Yetardi  fahmi  –
Ko‘p  yutqazgan  bolaga
Kelardi  rahmi.
Sanalardi  sayilda
Jasur  safboshi.
Boshqalardan  qattiqroq
Edi  bardoshi.
Turar  edi  qatorga
Tizilganda  saf.

---

209
Ovqat  haqda  gap  ketsa,
Yalar  edi  lab.
Bo‘ysunardi  tartibga,
Chalinsa  gorn  –
Darrov  so‘ri  ostidan
Olardi  o‘rin.
Uni  maqtar  edilar
Qorovul,  farrosh:
–  Buncha  esli  bo‘lmasa!..
–  Bunchayam  yuvosh!..
Yangi  do‘stlar  topib  u,
Edi  shod-xurram.
Afsus,  o‘tib  ketarkan
Tezda  bir  oy  ham.
Ketar  payti  xushlashib
Qoldi  bolalar:
–  Seni  eslab  yuramiz...
–  Xayr,  Olapar!
1.  She’rni  ifodali  o‘qing.
2.  Bolalar  oromgohda  qanday  dam  oldilar?
3.  Nima  uchun  bolalar  Olaparga  „Seni  eslab
yuramiz“,  deyishdi?
4.  Siz  yozgi  ta’tilni  qanday  o‘tkazmoqchisiz?
14 – O‘qish  kitobi,  3- sinf

---

210