2019 O‘qish oxi

Hisobda  adashgan  bola
(Hikoya)
Zamira  Ibrohimova
1
Anvar  uchinchi  sinfda  o‘qiydi.  Hamma  o‘quvchi
bolalar  kabi  u  ham  a’lo  baholarni  juda  yaxshi
ko‘radi,  ammo-lekin...  dars  tayyorlashni  yoqtir-
maydi.  Uy  vazifalarini  chala-chulpa  bajaradi.
Mana  bugun  ham  zo‘rg‘a  dars  tayyorlashga
o‘tirdi.  „Matematika“  kitobini  ochib,  uyga  beril-
gan  vazifani  o‘qiy  boshladi.  Tili  o‘qiyapti-yu,
xayoli  telefon  o‘yinida.  Masalani  o‘qib  bo‘l-
gach,  „Nimalarni  yozishadi,  boshni  qotirib.  Shu-
naqa  ham  masala  bo‘ladimi?  Oshga  qancha
masalliq  ketishini  hisoblash  shartmi,  bor  ma-
salliqni  qozonga  solib,  shartta-shartta  qovuradi,
bo‘ldi-da“,  –  dedi  o‘zicha  asabiylashib.  Aksiga
olib  shu  tobda  uni  mudroq  bosib,  maza  qilib
uxlagisi  kelardi.  O‘rnidan  turib,  karavotiga  cho‘-
(Xo
‘ro
z)
4 – O‘qish  kitobi,  3- sinf

---

50
zildi.  Yostig‘i  shunday  yumshoq,  yoqimliki,  onasi
allalayotganday,  Anvar  shirin  uyquga  ketganini
bilmay  qoldi.
2
U  tush  ko‘ra  boshladi.  Tushida  bo‘ylari  o‘sib,
katta  yigit  bo‘lib  qolganmish.  U  bir  choyxo-
naning  bosh  oshpaziga  shogird  bo‘libdi.  Erta-
labdan  ish  boshlanibdi.  Bosh  oshpaz  unga:
–  Bugun  palov  pishiramiz.  Bozorga  borib,
oshga  kerak  bo‘ladigan  masalliqlardan  olib
kel.  Anvarjon,  yaxshilab  eshitib  olgin,  sakkiz
kilogramm  guruchga  teng  miqdorda  sabzi  ol,
sabzidan  ikki  marta  kam  go‘sht  ol,  guruchdan
to‘rt  marta  kam  yog‘  ol,  yog‘dan  ikki  marta
kam  piyoz  olgin...  To‘xta,  yaxshisi  masalliqlar
ro‘yxatini  yozib  ola  qol,  –  debdi.
–  Yozish  shart  emas,  hammasini  tushun-
dim,  –  debdi  Anvar  va  shoshqaloqlik  bilan
bozorga  ketibdi.
Bozordan  sakkiz  kilogramm  guruch,  sakkiz
dona  sabzi,  ikki  kilogramm  go‘sht,  to‘rt  litr
yog‘,  ikki  dona  piyoz  olib  kelibdi.
Bosh  oshpaz  Anvarning  xaridini  ko‘rib  hay-
ron  bo‘libdi.
–  Sen  bola,  oshpaz  uchun  ham  hisob-
kitobni  bilish  juda  muhim  ekanligini  bilmas
ekansan-ku!  Senga  hisobni  o‘rgatishga  vaqtim
yo‘q.  O‘qib,  bilimingni  oshirib  kel,  –  deb  uni

---

51
shogirdlikka  olmabdi.  Anvar  uyatdan  qizarib-
bo‘zarib  bosh  oshpazning  yonidan  chiqib  ke-
tibdi.
1.  Anvar  nega  asabiylasha  boshladi?
2.  Anvar  nima  uchun  bosh  oshpazning  yoni-
dan  qizarib  chiqib  ketdi?
3
„Endi  nima  qilsam  ekan?“  deb  o‘ylab  tur-
sa,  muzqaymoq  sotuvchi  „Hoy  yigit,  kel,  oz-
gina  qarashib  yubor“,  –  deb  uni  chaqiribdi.
„Maza,  muzqaymoq  sotaman“.  Anvar  xursand
bo‘lib,  muzqaymoq  sotuvchining  yoniga  boribdi.
O‘zi  tengi  bir  bola  unga  besh  mingtalik  pul
uzatib:
–  Aka,  menga  yetti  yuz  ellik  so‘mlik  muz-
qaymoqdan  besh  dona  bering,  –  debdi.
Anvar  pulni  olib,  bolaga  muzqaymoq  uza-
tibdi,  ammo  qancha  qaytim  berishni  bilolmay,
indamay  turaveribdi.
–  Aka,  qaytimini  bermaysizmi?  –  debdi  bola.
–  Bor-bor,  boshni  qotirma,  qanaqa  qaytim,
senga  beshta  muzqaymoq  berdim-ku,  –  debdi
Anvar  do‘q  urib.
Bolaning  onasi  kelib,  Anvarni  urisha  ketibdi.
Qayerdandir  boshqa  xaridorlar  ham  kelib  shov-
qin  ko‘tarib,  uni  sudrab  olib  keta  boshlashibdi.
Anvar  oyoq-qo‘llarini  potirlatib,  tipirchilab,  baqi-
rarmish.

---

52
4
U  o‘z  ovozidan  cho‘chib,  uyg‘onib  ketibdi.
O‘ng-u  so‘liga  qarab:
–  Xayriyat-ey,  tushim  ekan...  Voyy,  hisobni
bilmaganim  yomon  pand  berdi-ku!  –  debdi
peshanasiga  shappati  urib.  So‘ngra  yuzini
muzdek  suvga  yuvib  kelibdi.  Matematika  ki-
tobini  ochib,  uyga  berilgan  vazifani  diqqat
bilan  qayta  o‘qib,  masalaning  shartini  tartib
bilan  yoza  boshlabdi...
U  daftarini  yopar  ekan,  beixtiyor  tushini  es-
lab,  miyig‘ida  kulibdi.  „Ey,  Anvar,  masalani
yaxshilab  o‘qib,  shartini  tushunib  olsa,  oson-
gina  yechsa  bo‘lar  ekan-ku!  Endi  bildingizmi,
matematika  har  qadamda  kerak  ekanligini“,  –
debdi  o‘ziga  o‘zi.
1.  Anvar  muzqaymoq  olgan  bolaga  qancha
qaytim  berishi  kerak?
2.  Matematika  fani  muhim  ekanligini  matndan
xulosa  chiqarib,  o‘z  so‘zingiz  bilan  ayting.