2011 yil O‘zbekiston Respublikasi Prezidentining qarori



Download 283.2 Kb.
bet2/5
Sana12.01.2017
Hajmi283.2 Kb.
1   2   3   4   5

Moliya vaziri R.Azimov


12 sentyabr 2006 y.

№ 80 Toshkent sh.


Oliy va o‘rta maxsus ta’lim vaziri R.Qosimov

12 sentyabr 2006 y.

№ 211 Toshkent sh.
O‘zbekiston Respublikasi Adliya vazirligi tomonidan 2006 yil 14 sentyabr kuni 1622 raqam bilan ro‘yxatga olingan


O‘zbekiston Respublikasi Moliya vazirligi

O‘zbekiston respublikasi oliy va o‘rta maxsus ta’lim vazirligi
QARORI
O‘zbekiston «Kamolot» yoshlar ijtimoiy harakati tomonidan O‘zbekiston Respublikasi Qurolli Kuchlari safida muddatli harbiy xizmatni o‘tagan va to‘lov-kontrakt shakli bo‘yicha o‘qishga qabul qilingan talabalarni moddiy qo‘llab-quvvatlash Qoidalariga o‘zgartirish kiritish haqida
O‘zbekiston Respublikasi Prezidentining 2005 yil 31 oktyabrdagi PQ-213-sonli «O‘zbekiston Respublikasi Qurolli Kuchlari safida muddatli harbiy xizmatni o‘tayotgan harbiy xizmatchilarga beriladigan imtiyozlar tizimini yanada takomillashtirish chora-tadbirlari to‘g‘risida»gi qarorining (O‘zbekiston Respublikasi Qonun hujjatlari to‘plami, 2005 yil, 43-44-sonlar, 328-modda) 2-bandi qoidalari tatbiq etiladigan muddatli harbiy xizmatni o‘tagan talabalarni moddiy qo‘llab-quvvatlash mexanizmlarini takomillashtirish maqsadida Moliya vazirligi va Oliy va o‘rta maxsus ta’lim vazirligi qaror qiladilar:
1. O‘zbekiston Respublikasi Moliya vazirligi hamda Oliy va o‘rta maxsus ta’lim vazirliklarining 2006 yil 12 sentyabrdagi 80 va 211-sonli qarori (2006 yil 14 sentyabr, ro‘yxat raqami 1622) bilan tasdiqlangan O‘zbekiston «Kamolot» yoshlar ijtimoiy harakati tomonidan O‘zbekiston Respublikasi Qurolli Kuchlari safida muddatli harbiy xizmatni o‘tagan va to‘lov-kontrakt shakli bo‘yicha o‘qishga qabul qilingan talabalarni moddiy qo‘llab-quvvatlash Qoidalariga ilovaga muvofiq o‘zgartirishlar kiritilsin.
2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.

Moliya vaziri R.Azimov

2010 yil 5 noyabr,

№ 95- son Toshkent sh.,
Oliy va o‘rta maxsus ta’lim vaziri B.Xodiev

2010 yil 5 noyabr,

№ 425-son Toshkent sh.,
O‘zbekiston Respublikasi Adliya vazirligi tomonidan 2010 yil 1 dekabr kuni
1622-2 raqam bilan ro‘yxatga olingan


O‘zbekiston «Kamolot» yoshlar ijtimoiy harakati tomonidan O‘zbekiston Respublikasi Qurolli Kuchlari safida muddatli harbiy xizmatni o‘tagan va to‘lov-kontrakt shakli bo‘yicha oliy ta’lim muassasalariga o‘qishga qabul qilingan talabalarni moddiy
qo‘llab-quvvatlash

QOIDALARI
Mazkur Qoidalar O‘zbekiston Respublikasi Prezidentining 2005 yil 31 oktyabrdagi PQ-213 sonli «O‘zbekiston Respublikasi Qurolli Kuchlari safida muddatli harbiy xizmatni o‘tayotgan harbiy xizmatchilarga beriladigan imtiyozlar tizimini yanada takomillashtirish chora-tadbirlari to‘g‘risida»gi qarori (O‘zbekiston Respublikasi qonun xujjatlari to‘plami, 2005 yil 43-44 sonlar, 328-modda) 2-bandiga binoan ishlab chiqilgan bo‘lib, O‘zbekiston «Kamolot» yoshlar ijtimoiy harakati (bundan keyin «Kamolot» harakati) tomonidan O‘zbekiston Respublikasi Qurolli Kuchlari safida muddatli harbiy xizmatni o‘tab bo‘lgan va harbiy qismlar qo‘mondonligining tegishli tavsiyanomasini olib, O‘zbekiston Respublikasi oliy ta’lim muassasalariga to‘lov-kontrakt shakli bo‘yicha o‘qishga qabul qilingan fuqarolar orasidagi talabalarni moddiy qo‘llab-quvvatlash shartlari va tartibini belgilaydi.
§ 1. Umumiy qoidalar
1.Ushbu Qoidalar oliy ta’lim muassasalariga bakalavr dasturi bo‘yicha o‘qishga qabul qilingan talabalarga nisbatan qo‘llaniladi.

2.Ushbu Qoidalarga muvofiq O‘zbekiston Respublikasi Qurolli Kuchlari safida muddatli harbiy xizmatni o‘tagan va harbiy qismlar qo‘mondonligining tegishli tavsiyanomasiga ega bo‘lgan va oliy ta’lim muassasalariga to‘lov-kontrakt shakli bo‘yicha o‘qishga qabul qilingan fuqarolar orasidagi talabalar to‘liq o‘qish davri davomida «Kamolot» harakati boshlang‘ich tashkilotining faoliyatida faol qatnashgan taqdirda «Kamolot» harakati tomonidan moddiy qo‘llab-quvvatlanish huquqiga ega bo‘ladilar.

3. Moddiy qo‘llab-quvvatlash 2006-2007 yilidan boshlab «Kamolot» harakati tomonidan ushbu Qoidalarning 1-bandida ko‘rsatilgan talabalarga to‘lov-kontrakt bo‘yicha o‘qishga qabul qilish bo‘yicha tuzilgan shartnoma miqdorining 35 foizini to‘lash shaklida ko‘rsatiladi. Bunda talabalarni moddiy qo‘llab-quvvatlash ular tomonidan shartnomada belgilangan to‘lov miqdorining 65 foizini belgilangan muddatlarda to‘lagan taqdirda amalga oshiriladi.
§ 2. Muddatli harbiy xizmatni o‘tagan va to‘lov-kontrakt shakli bo‘yicha o‘qishga qabul qilingan talabalarni moddiy qo‘llab-quvvatlash to‘g‘risidagi masalani ko‘rib chiqish tartibi
4. Har yili, 1 fevraldan kechikmay, «Kamolot» harakati boshlang‘ich tashkilotlarining Kengashlari oliy ta’lim muassasasining rektorlari bilan birgalikda «Kamolot» harakati tomonidan moddiy qo‘llab-quvvatlash oladigan talabalar ro‘yxatlarini aniqlaydilar, shuningdek, mazkur talabalarning o‘zlashtirishi, intizomi, «Kamolot» harakati faoliyatidagi ishtiroki to‘g‘risidagi, zarur hollarda ularning oilaviy, moddiy ahvoli to‘g‘risidagi ma’lumotlarni to‘playdilar.

5. Har yili, 20 fevraldan kechikmay, talabalar guruhlarining yig‘ilishlari o‘tkazilib, O‘zbekiston Respublikasi Qurolli Kuchlari safida muddatli harbiy xizmatni o‘tagan, harbiy qismlar qo‘mondonligining tegishli tavsiyanomasiga ega bo‘lgan va oliy ta’lim muassasalariga to‘lov-kontrakt shakli bo‘yicha o‘qishga qabul qilingan talabalarni moddiy qo‘llab-quvvatlash masalalari muhokama qilinadi. Talabalar guruhi yig‘ilishi umumiy talabalarning kamida 2/3 qatnashganda haqiqiy deb hisoblanadi. Talabalar guruhlari yilig‘ishi bayonidan ko‘chirma «Kamolot» harakatining boshlang‘ich tashkiloti Kengashiga yuboriladi.

6. Talabalar guruhi yig‘ilishining bayoni asosida, 1 martdan kechikmay, «Kamolot» harakati boshlang‘ich tashkilotining Kengashi talabalarni «Kamolot» harakati tomonidan moddiy qo‘llab-quvvatlash uchun tavsiyanomalar berish masalasini ko‘rib chiqadi.

Bunda «Kamolot» harakati boshlang‘ich tashkilotining Kengashi:

a) «Kamolot» YOIH MKga talabani moddiy qo‘llab-quvvatlashni tavsiya etish;

b) talabaga tavsiya berishni rad etish mutloq huquqiga egadir.

Tavsiyanoma shakli «Kamolot» YOIH MK tomonidan belgilanadi.

Tavsiyanoma berish rad etilgan taqdirda, Kengash majlisining bayonida muayyan talabaga tavsiyanoma berish nima uchun rad etilganligi sabablari (motivlari) ko‘rsatiladi.

7. Agar talaba ushbu Qoidalarning 10-bandida bayon etilgan talablarni qo‘pol ravishda buzayotgan bo‘lsa, «Kamolot» harakati boshlang‘ich tashkilotining Kengashi ilgari qabul etilgan qarorni qayta ko‘rib chiqishi va kelajakda moddiy qo‘llab-quvvatlashni o‘qishning keyingi bosqichlarida to‘xtatish to‘g‘risida «Kamolot» YOIH MKga tavsiyanoma kiritishi mumkin.

8. «Kamolot» harakati boshlang‘ich tashkiloti Kengashining majlisida Kengash a’zolarining kamida uchdan ikki qismi qatnashgan taqdirda uning qarori haqiqiy hisoblanadi. Kengash majlisining bayoni albatta boshlang‘ich tashkilot etakchisi va Kengashning majlisda qatnashgan barcha a’zolari tomonidan imzolanishi shart. Bayonga Kengashning moddiy qo‘llab-quvvatlash uchun tavsiyanomalari va harbiy qismlar qo‘mondonligi tavsiyanomalaridan ko‘chirma nusxalar ilova qilinadi.

9. Boshlang‘ich tashkilot Kengashining moddiy qo‘llab-quvvatlash to‘g‘risidagi tavsiyanomasi boshlang‘ich tashkilot etakchisi va Kengash majlisining kotibi tomonidan imzolanadi hamda «Kamolot» YOIH MK tomonidan tasdiqlanadigan shakldagi maxsus ish daftariga qayd etiladi.

10. Tavsiyanoma berish (tavsiyanoma berishni rad etish) to‘g‘risidagi masalani ko‘rib chiqishda «Kamolot» harakatining boshlang‘ich tashkiloti Kengashi quyidagi asosiy mezonlarni e’tiborga oladi:

a) talabaning oliy ta’lim muassasasida belgilangan ichki tartib-qoidalarga so‘zsiz rioya etishi;

b) bir o‘quv semestri mobaynida talabaning uzrli sababsiz kelmay qolgan mashg‘ulotlari soni 30 soatdan oshmaganligi;

v) talabaning o‘tgan o‘quv semestridagi reyting nazorati yakunlari bo‘yicha o‘zlashtirishi (71 foizdan yuqori);

g) talabaning «Kamolot» harakati faoliyatidagi faol ishtiroki (guruh, fakultet, boshlang‘ich tashkilot etakchisi, «Kamolot» harakatining saylab qo‘yiladigan organlarining a’zosi, boshlang‘ich tashkilotning ayrim topshiriqlarini bajarishi).

Bundan tashqari, tavsiyanoma berish to‘g‘risidagi masalani hal etishda moddiy qo‘llab-quvvatlashni olishga da’vogar bo‘lgan talabaning oilaviy va moddiy ahvoli qo‘shimcha mezonlar sifatida hisobga olinishi mumkin.

11. Kengash majlisi o‘tkazilgandan keyin 3 kundan kechiktirmay, «Kamolot» harakati boshlang‘ich tashkilotining Kengashi majlis bayonining bir nushasini «Kamolot» YOIH MKga taqdim etadi.

Bayonga quyidagilar ilova qilinadi:

1) O‘zbekiston Respublikasi Qurolli Kuchlar safida muddatli harbiy xizmatni o‘tagan, harbiy qismlar qo‘mondonligining tavsiyanomasiga ega bo‘lgan va to‘lov-kontrakt shakli bo‘yicha o‘qiyotgan talabalarning ro‘yxati. Ro‘yxat rektor tomonidan imzolangan va oliy ta’lim muassasasining gerbli muhri bilan tasdiqlangan bo‘lishi kerak;

2) Moddiy qo‘llab-quvvatlashga tavsiya etilayotgan talabalarning ro‘yxati;

3) Moddiy qo‘llab-quvvatlash to‘g‘risidagi tavsiyanomalar;

4) Moddiy qo‘llab-quvvatlash to‘g‘risida tavsiyanomalar berish rad etilgan talabalarining ro‘yxati.

12. «Kamolot» YOIH MK «Kamolot» harakati boshlang‘ich tashkilotlari Kengashlarining qarorlarini tasdiqlash to‘g‘risidagi masalani 15 martdan kechiktirmay ko‘rib chiqadi.

«Kamolot» YOIH MK qarorining bir nushasi oliy ta’lim muassasalarining rektorlariga va bir nushasi esa - «Kamolot» harakatining oliy ta’lim muassasalaridagi boshlang‘ich tashkilotlari Kengashlariga yuboriladi. Qarorga tasdiqlangan tavsiyanomalar ilova qilinadi.

13. «Kamolot» YOIH MK tomonidan tasdiqlangan tavsiyanomalar talabalarga «Kamolot» harakati boshlang‘ich tashkilotlari Kengashlari tomonidan tantanali vaziyatda topshiriladi.



§ 3. Moddiy qo‘llab-quvvatlash muddatlari
14. «Kamolot» YOIH MK, moddiy qo‘llab-quvvatlash qarori qabul qilingandan keyin, 10 bank ish kuni mobaynida oliy ta’lim muassasasining byudjetdan tashqari mablag‘lar bo‘yicha talab qilib olinguncha depozit hisob-raqamiga moddiy qo‘llab-quvvatlash pulini o‘tkazadi.
§ 4. Ko‘zda tutilmagan vaziyatlarning kelib chiqishi
15. Ko‘zda tutilmagan vaziyatlar kelib chiqqanda (o‘quv yili mobaynida talaba oliy ta’lim muassasasi talabalari safidan chiqarilsa, talaba moddiy qo‘llab-quvvatlanishdan voz kechsa, akademik ta’tilga chiqsa va boshqa holatlarda) «Kamolot» YOIH MK tomonidan oliy ta’lim muassasalarining byudjetdan tashqari mablag‘lar bo‘yicha talab qilib olinguncha depozit hisob-raqamlariga o‘tkazilgan moddiy qo‘llab-quvvatlash puli qayta hisob-kitob qilinadi va «Kamolot» YOIH MKga qaytarib yuborilishi lozim.
§ 5. Ushbu Qoidalarning talablari bajarilishi ustidan nazorat
16. Ushbu Qoidalarning talablari bajarilishi ustidan, shuningdek, «Kamolot» harakati tomonidan moddiy qo‘llab-quvvatlangan talabalarning o‘quv jarayonidagi ishtiroki, ularning o‘zlashtirishi, intizomi ustidan va «Kamolot» harakati faoliyatidagi ishtiroki ustidan nazorat qilish oliy ta’lim muassasasining rahbariyati va «Kamolot» harakatining boshlang‘ich tashkiloti Kengashi zimmasiga yuklatiladi.
§ 6. YAkuniy qoidalar
17. Ushbu Qoidalar O‘zbekiston «Kamolot» yoshlar ijtimoiy harakati Markaziy Kengashi bilan kelishilgan.

__________________________dagi

«Kamolot» yoshlar ijtimoiy harakatining

boshlang‘ich tashkiloti Kengashiga



(oliy o‘quv yurti, fakulteti, guruhi) talabasi ______________________dan
ARIZA
Men, _____________vich muddatli harbiy xizmatni o‘tab, harbiy qism qo‘mondonligi tomonidan berilgan tavsiyanomaga asosan imtiyozli ravishda
(oliy o‘quv yurti, fakultet, guruh)

ga to‘lov-kontrakt asosida o‘qishga qabul qilinganman va joriy 20__ - 20__ o‘quv yilida shu oliygohda __ kursda o‘qib kelmoqdaman.

Mening 20__ - 20__ o‘quv yilida o‘qishim bilan bog‘liq to‘lov-kontrakt summasining 35 foizini moddiy yordam tariqasida «Kamolot» yoshlar ijtimoiy harakati tomonidan to‘lab berilishini tavsiya etiish masalasini ko‘rib chiqishingizni so‘rayman.

Imzo, sana F.I.SH

Namuna
(oliy o‘quv yurti nomi)



dagi «Kamolot» yoshlar ijtimoiy harakati boshlang‘ich tashkiloti Kengashi yig‘ilishining
- son B A YO N I
20__ yil __ ________ ______ sh.
Raislik qiluvchi: _______________________________

(familiyasi, ismi va lavozimi)
Kengash a’zolari soni _____ nafar.


Do'stlaringiz bilan baham:
1   2   3   4   5


Ma'lumotlar bazasi mualliflik huquqi bilan himoyalangan ©hozir.org 2017
ma'muriyatiga murojaat qiling

    Bosh sahifa