20. Xizmat doirasidagi kommunikatsiya shakllarstrrepla: Munshaot haqida ma'lumot. Munshaot (ish yuritish)tarixining davlatchilik tarixi bilan bog‘liqligi

Topshiriqlar:


1-topshiriq. Quyidagi so‘z va birikmalar yordamida gaplar tuzing, tinish belgilarini to‘g‘ri qo‘yishga harakat qiling.
Qabul qilib olingan narsalar, ilova,bir tomondan,e’tiborga olib,o‘quv yurtini tugatgach, ko‘chib kelganligi sababli,so‘zga chiqdilar,a’zolari,quyidagilar aniqlandi,shu haqdakim, tomonlarning huquqiy manzillari, o‘quv yurti talabasining majburiyatlari, va boshqa buyumlar bilan ta’minlash, quyidagilar haqida tuzildi, da’vogar, javobgar


2-topshiriq. Ish yuritishda ilgari qo‘llangan quyidagi so‘zlarning hozirgi tilimizdan ma’nodoshlarini toping va ular ishtirokida gaplar tuzing:
munshaot, yorliq, patta, noma, chopar, munshiy, farmoni oliy, mirzaboshi, devonbegi.


Mavzu yuzasidan savol va topshiriqlar:
1. Hujjat yuritishni bilish nima uchun kerak?
2. Davlat ishlarini yuritish qanday tartibga solinadi?
3. Ish yuritish doirasidagi qanday hujjatlarni bilasiz?
4. Rasmiy va shaxsiy hujjatlarning tili va uslubi qanday bo‘lishi kerak?


5-mashg‘ulot.
TASHKILIY HUJJATLAR VA FARMOYISH HUJJATLARIGA OID MASHG‘ULOT


Raja
1. Tashkiliy hujjatlar hamda farmoyish hujjatlari haqida umumiy ma’lumot.
2. Nizom zaruriy qismlari.
3. Mehnat shartnomasidagi rahbar va xodimning majburiyatlari.
4. Xizmat safari guvohnomasi.
5. Namunaviy buyruq shakli asosida buyruq loyihasini tayyorlash.


T A S H K I L I Y H U J J A T L A R
Tashkiliy hujjatlar, mazmunan tashkilot, muassasa va korxonalarning huquqiy maqomi, tarkibiy tarmoqlari va xodimlari, boshqaruv jarayonida jamoa ishtirokining qayd qilinishi, boshqa tashkilotlar bilan aloqalarning huquqiy tomonlari kabi masalalarni aks ettiradi. Guvohnoma, yo‘riqnoma, nizom qoida, ustav, shartnomalar ana shunday hujjatlar sirasiga kiradi.
N I Z O M
Tashkilot yoki uning tarkibiy bo‘linmalari, kichik yoki qo‘shma korxona va shu kabilar tuzilishi, huquqi, vazifalari, burchlari, ishni tashkil qilishlari tartibotini bеlgilaydigan huquqiy hujjat nizom deyiladi. Nizom ayrim mansabdor shaxslarga va turli tadbirlar (ko‘rik, musobaqa, tanlov va boshqalar)ga nisbatan ham tuzilishi mumkin.
Ko‘pincha nizom muassasalar ta’sis etilishi yoki tashkil topishi paytida tuziladi va yuqori tashkilotlar farmoyoishi bilan (yoki tеgishli hokimiyat tomonidan) tasdiqlanadi.Muassasalarning tarkibiy qismlari ularning rahbarlari tomonidan tuziladi va muassasa rahbari farmoyishi bilan yoki tasdiqlash ustxatini qo‘yish bilan kuchga kiradi.
Muvaqqat komissiyalar, guruhlar va shu kabilarning huquqiy maqomlari ham nizom bilan bеlgilanadi.