20 kunda ota-onalarga ilhomlantiruvchi tavsiyalar

15- KUN

BOLAGA O'RGATISHINGIZ MUMKIN

BO'LGAN ENG MUHIM NARSA

---

“Bir  kun  kelib  o’zimning  farzandlarim  bo’lsa,  ularga  A,  B,  C  ni  qildirmayman.

Farzandimga D, E ga o’xshagan gaplar aytmayman” kabi jumlalarni ham yozib

qo’yardim.  O’sha  biron  kun  kelganida,  men  ham  ona  bo’lganimda  nima

bo’lganini topingchi? Albatta, men o’z otamning o’zginasi edim. 

Ba’zan biz farzandimizga o’zini sevishni o’rgatish uchun o’z qalbimizga chuqur

nazar  tashlab,  o’zimizni  taftish  qilib,  qidirishimizga  to’gri  keladi.  Biz  shuni  tan

olamizki  “Ha,  ko’p  ish  boshlaydigan,  qo’lidan  narsa  tushirib  qo’yadigan,  injiq

farzandlar  meni  g’ashimga  tegadi.  Ammo  hozir  menga  shunday  farzandlar

berilgan  ekan,  bolalarning  bolalarcha  qiliqlariga  ko’z  yuma  oladigan  katta

odam bo’la olamanmi va buni orqasida turgan murg’ak, shirin bolachani ko’ra

olamanmi?  O’zlariga  ham  bildira  olamanmi?”  Bu  kabi  xulosalarga  kelgandan

keyin  ham  ishimiz  osonlashmaydi.  Chunki  ongizmiz  ong  osti  programmalari

asosida  ishlaydi  va  faqat  chuqur  fikrlovchi  insonga  aylanibgina,  biz  o’z

ongimizni o’z fikrlarimizga bo’ysundira olamiz. 

O’z  farzandlarimni  qanchalik  yaxshi  ko’rmay,  buni  ularga  izhor  qilishga

qiynalaman.  “Yomon  qiliq”  va  “shunchaki  yosh  bola  bo’lish”ni  ajratishga

ko’pincha vaqtim bo’lmaydi. 

Siz  ham  ona  sifatida  g’ashingizni  keltirgan  soniyalarga  duch  kelgandursiz.

Lekin  aynan  shu  onlarda  og’zingizdan  chiqadigan  so’zlar  ko’p  narsani

belgilaydi.  So’zlarimiz  juda  katta  kuchga  ega,  ayniqsa  kichkina  bolaga

nisbatan  aytilganda.  “Yolg’on  gapirishni  bas  qil.  Men  allaqachon  rostini

bilaman. Nega menga yolg’on gapirding. Ahmoq” deyishning o’rniga “Islomda

yolg’on  gapirish  taqiqlanganini  anglashga  hali  yoshlik  qilasan.  Yolg’on

gapirsang, bu boshqalarga ozor beradi” deyishni tasavvur qilib ko’ring.

“Yig’lashni  bas  qil.  Nimaga  shunaqa  qizg’anchiqsan-a?”  deyish  o’rniga  “O’z

narsangni  boshqalarga  berish  qiyin.  Hatto  kattalar  ham  o’z  narsasini  bergisi

kelmaydi.  Lekin  o’z  narsalaringni  boshqalarga  ham  berganingda  Alloh  uning

o’rnini ortig’i bilan to’ldiradi.” deyishni o’ylab ko’ring. 

“Nega  har  doim  senga  vaqtida  namoz  o’qishni  eslatishim  kerak?  Hech  kim

aytmasa  ham  o’zing  biladigan  yoshga  kelding.  Namozingniyam  vaqtida

o’qiyolmasang, ro’za tutganingdan nima foyda?” deyish bilan “Namozni doimo

vaqtida  o’qishni  unutmaslik  oson  emas.  Sen  yoshsan  va    senga  eslatib  turish

uchun  ham  men  borman.  Mening  eslatishimdan  zeriksang  ham,    g’ashing

kelsa ham.” deyishning orasida qancha farq bor. 

Hech qaysi bola aslida yomon emas. Hamma farzandlar toza fitrat, to’g’rilik va

haqiqatga,  eng  yaxshi  narsalarga  tabiiy  intilish  bilan  dunyoga  keladilar.  O’zini

yomon  bola  deb  his  qildishga  majburlangan  bola  o’zini  yomon  ko’rishni

o’rganadi va bu uning o’rganishi, yashashi hamda sevishiga halaqit beradi. 

Boshqa  tarafdan  esa,  o’zini  yaxshi  deb  his  qildirilgan  bola  o’zini  sevishni

o’rganadi.  O’zini  sevilgan  deb  hisoblagan  bola  qalbini  tubidan  his  qiladi,

sevadi, yashaydi va o’rganadi.

---