Muǵallimler qoshametlenedi - mámleketimizdiń ordenleri, medallari, húrmet jarlıqları menen sıylıqlanadı. Olarǵa - Ózbekstan Qaharmanı, Ózbekstan hám Qaraqalpaqstan xalıq muǵallimi, Ózbekstan hám Qaraqalpaqstan Respublikalarına xızmet kórsetken xalıq bilimlendiriw xizmetkeri ataqları beriledi. Olar - Ózbekstan hám Qaraqalpaqstan Respublikaları xaliq bilimlendiriw aǵlası kókirek nıshanları, metodıst muǵallim, jıldıń aǵla muǵallimi, jıldıń aǵla tárbiyashısı ataqlarına miyasar boladı.
4. Jana zaman muǵallimine qoyılatuǵın talaplar
Muǵallimge salamat áwladtı tárbiyalap kamalǵa jetkeriwdey ádiwli wazıypa júklengen. Bul wazıypalardı inabatlı orınlaw muǵallimge qatar talaplar qoyadı. Ol talaplarǵa tómendegiler kiredi - óziniń pánin hám metodıkasın házirgi zaman ilimi dárejesinde ayrıqsha biliwi, xalıq pedagogikasın, milliy pedagogika, psixologiya hám basqa da pánlerdi jetik biliwi, oqıwshılardıń jas, jeke ayırmashılıqların, rawajlanıw, bilim hám tárbiyalanǵanlıǵı dárejesin qatań esapqa alıp tálim-tárbiyanı maqsetke ilayıqlıǵına qaray jámáát, topar, jeke hám ilayıqlastırıp alıp barıwdı óz ornında, zárúrli jerinde hám kerekli waqtında qollawı, ruwxıy-ádep-ikramlıq, hár tárepleme bilimdanliq, mádeniyatlılıq, printsipiallıq, hadallıq hám ádillikte, miynette jáne turmısta oqıwshı ushın haqıyqıy úlgi bolıwı, kóp nárseni biliwi, kóp nárse qolınan keliwi hám onı oqıwshılarǵa sheber úyrete alıwı, xalıq xúrmetine, oqıwshılar muxabbatına ılayıq muǵallim bolıwǵa umtılıwı, pedagogikalıq texnikanı sheber iyelewi, aldıńǵı tájiriybelerdi, jańa milliy pedagogikalıq texnologiyalardı háwes penen úyreniwi hám qollawı, dúńya júzi pedagogikasında qollanıp atırǵan pedagogikalıq texnologiyalar menen tanıs, ózbetinshe jańasha dóretiwshilik penen pikirleytuǵın hám isleytuǵın, talapshań, jańalıqqa janı qumar bolıwı, pedagogikalıq kásipti hám oqıwshılardı janınday jaqsı kóriwi, shákirtleriniń keleshegine jan kúydiriwi hám olarǵa shın kewilden iseniwi, dóretiwshi shaxs bolıwı, milliy ǵárezsizlik ideyası menen suwǵarılǵan sana-sezimli, watanın, tuwǵan jerin súyip jasaytuǵın hám miynet etetuǵın, ózligimizdi (tilimiz, dinimiz, bay tariyxımız. mádeniyatimız, ádebiyatimız, úrp-ádetlerimiz hám salt-dástúrlerimizdi) jalıqpay úyreniwshi hám ózligimizdi oqıwshılarǵa háwes penen úyretiwshi milliy tárbiya jan kúyeri bolıwı, Prezidentimizdiń júrgizip atırǵan ishki hám sırtqı siyasati, Pármanları, miynetleri, sóylegen sózlerinen kelip shıǵatuǵın wazıypalardı, xúkimet qararların, bilimlendiriw Nızamların, kadrlar tayarlawdıń milliy baǵdarlamasın xalıq arasında jedelli úgit-násiyatlawshı bolıwı hám jámiyetlik jumıslarǵa belsene qatnasıwı.
Do'stlaringiz bilan baham: |