2-вариант Мавзувий маърузаларда таълим бериш технологияси Фаол ўқитиш методларининг хусусиятлари. Ўқитувчини маърузага тайёрланиш ва маъруза қилиш йўллари Маъруза

2-вариант

1. 
   Мавзувий маърузаларда таълим бериш технологияси
   
2. 
   Фаол ўқитиш методларининг хусусиятлари.
   
3. 
   Ўқитувчини маърузага тайёрланиш ва маъруза қилиш йўллари
   

1.Маъруза – олий таълимни ташкиллаштиришнинг асосий шакли.

Маъруза ўқув жараёнининг асосий бўғини, олий ўқув юртида дарс беришнинг асосий шаклларидан биридир. У талабаларнинг дунёқарашини шакллантиришда катта рол ўйнайди.

Маъруза (арабча, лекция (лотинча - “lectio”) - ўқиш) – ўқув материаллари, бирор масала, мавзу кабиларнинг изчил, маълум бир тизимига солинган баёнидир.

Ўзбек тилига араб тилидан кириб ўзлаштирилган маъруза сўзи қўлланилади. Маъруза ўқитишни ташкил этишнинг етакчи шакли ҳисобланиб, қуйидаги вазифаларни амалга оширишга имкон беради:

Йўналтирувчилик – талабаларни ўқув материалининг асосий ҳолатларига, уни келгуси иш фаолиятидаги ўрни ва аҳамиятига диққат қилишларига имкон беради;

Ахборотлилик – ўқитувчи маъруза вақтида ҳолат, асосий илмий далиллар ва хулосалар моҳиятини очиб беради;

Методологик – маъруза вақтида ўқитиш усуллари таққосланади, илмий изланишнинг асосийлари намоён этилади;

Тарбияловчилик – маъруза ўқув материалига ҳиссий-баҳолаш муносабатида бўлишни уйғотиш;

Ривожлантирувчилик – билим олиш қизиқишларини ривожлантиришга ёрдам беради.

Маърузада мавзунинг асосий саволлари кетма-кетлик асосида юритилади.

Маъруза илмий характерга эга бўлиши, турли назарий йўналишлар, илмий мактабларнинг асосий ғояларини талабалар онггига етказиши ва олган билимини ишончга айлантириши керак.

Ҳар қандай маърузанинг энг зарур шарти тингловчилар билан қизғин алоқага киришишдир. Маърузани кўтаринки руҳ билан ўқиш керак.

Маъруза ўқиш энг аввало, унга тайёрланишдан бошланади. Шунинг учун биринчи навбатда маъруза мавзуси бўйича адабиётлар танлаш, ҳамда улар билан танишиб чиқиш керак.

Маърузада талабалар ўтилаётган фаннинг дастури асосида мавзуга оид билимлар ва унга доир охирги эришилган ютуқлар билан биринчи марта таништирилади, ечимини топган ва ечимини кутаётган муаммолар ҳақида тушунчалар берилади. Маъруза – билимлар мажмуасини беришнинг энг рационал усулидир.