2-tema: Ózbekstan Respublikasınıń «Mektepke shekemgi tálim hám tárbiya haqqinda»ģı nızam hám onı ameliyatta engiziw (2 saat)

2-tema: Ózbekstan Respublikasınıń «Mektepke shekemgi tálim hám tárbiya haqqinda»ģı nızam hám onı ameliyatta engiziw
Jobası:
1. Mektepke shekemgi bilimlendiriw hám tárbiya maqset waziypalar
2.Mektepke shekemgi bilimlendiriw hám tárbiya haqqındaģı nızam xujjetleri

Ózbekstan Respublikasınıń mektepke shekemgi tálim hám tárbiya haqqındaģı nızamı 2019-jıl 16-dekabr` 595-sanlı Nızamı menen tastiyiqlangan bolip, 11-bap 58-stat`yadan ibarat.

Usı nızamnıń maqseti mektepke shekemgi bilimlendiriw hám tárbiya tarawındagı munásibetlerdi tártipke salıwdan ibarat. Mektepke shekemgi bilimlendiriw hám tárbiya haqqındaģı nızam hujjetleri usı nızam hám basqa nızam xujjetlerinen ibarat. Eger Ózbekstan Respublikasınıń xalıqaralıq shártnamasında mektepke shekemgi bilimlendiriw hám tárbiya haqqındaģı Ózbekstan Respublikası nızam hujjetlerinde názerde tutılģanınan basqasha qaģıydalarlar belgilengen bolsa, xalıqaralıq shártnama qaģıydaları qollanıladı.
3-statiya. Tiykarģı túsinikler
Usı nızamda tómendegi tiykarģı tusinikler qollanıladı:
ayırıqsha tálim alıw mutájlikleri bolģan balalar-mayıp bolģanınan yamasa bolmaģanlıģınan qáttiynázer, shańaraq, pedagoglar, qánigeler, jámiyet hám mámlekjetiń ayırıqsha itibarına mutáj bolģan individual qálewlerine iye balalar;
mámleketlik mektepke shekemgi bilimlendiriw shólkemi - mámleket tárepinen qarjı ajıralatuģın hám basqarılatuģın hámde mektepke shekemgi bilimlendiriw hám tárbiyanıń mámleket standartına muwapıq mektepke shekemgi bilimlendiriw hám tárbiya xızmetleri kórsetetuģın shólkem;
inklyuziv tálim hám tárbiya - balalardıń ayırıqsha tálim alıwga bolģan mutájliklerin hámde individual imkaniyatların esapqa alģan halda tálim hám tárbiya alıwı ushın teń imkaniyatlardı támiyinleytuģın process;
Mektepke shekemgi bolģan jas – balalardıń tuwılģan waqıttan jeti jasqa deyin, olarģa ulıwma orta tálim shólkemlerinde tálim beriw baslanģan waqıtqa deyin bolģan jası;
Mektepke shekemgi bilimlendiriw hám tárbiya - balalarģa tálim hám tárbiya beriwge, olardı intellektual, ruwxıy-aģartıwshılıq, jetik, estetik hám fizikalıq jaqtan rawajlandırıwģa, sonday-aq balalardı ulıwma orta tálimge tayarlawģa qaratılģan uzliksiz tálim turi;
Mektepke shekemgi bilimlendiriw hám tárbiya mámleket standart - tálim-tárbiya processiniń kólemine, mazmunına hám sapasına, mektepke shekemgi bilimlendiriw shólkemin kóriw hám uskenelewge, sonday-aq mektepke shekemgi jastaģı balalardıń durıs awqatlanıwın hám qáwipsizligin shólkemlestiriwge qaratılģan májburiy talaplar toplamı;
Mektepke shekemgi bilimlendiriw hám tárbiyanıń mámleket tálim dásturi - bala tárepinen ózlestiriliwi lazım bolģan tiykarģı bilimlerdiń, sheberlik hám konlikpelerdiń kólemin hámde mazmunın belgileytuģın, sonday-aq tálim hám tárbiya mazmunınıń ózine tánligi, tálim-tárbiya processin shólkemlestiriwdiń ózine-tán qásiyetlerin tusindiriwshi xujjet;
Mektepke shekemgi bilimlendiriw shólkemi - mektepke shekemgi bilimlendiriw hám tárbiya tarawında tálim hám tárbiya xızmetleri kórsetetuģın mámleket hám mámleket emes shólkemi;
Mámleket emes mektepke shekemgi bilimlendiriw shólkemi - mámleket emes tálim xızmetlerin kórsetiw tarawındaģı iskerlikti ámelge asırıwģa qaratılģan licenziya tiykarında mektepke shekemgi bilimlendiriw hám tárbiya tarawında tálim hám tárbiya xızmetlerin kórsetetuģın yuridik shaxs;
Pedagogtıń kásiplik standart - mektepke shekemgi bilimlendiriw shólkemi pedagoginıń shaxsiy kásiplik sıpatlarına, bilimlerine, sheberligi hám kónlikpelerine qaratılģan tiykarģı talaplar toplamı;
tálim hám tárbiyanıń anıq forması - mektepke shekemgi bilimlendiriw hám tárbiya sistemasındaģı innovacion tálim-tárbiya processin shólkemlestiriw modeli.