2. Sirtdagi nuqta va to’g’ri chiziq

2.Konus sirtlar. Yasovchi AS to’g’ri chiziqning yo’naltiruvchi AB egri chiziq bo’yicha sirpanib harakat qilishi bilan birga, doimo S nuqtadan o’tishi natijasida hosil bo’lgan sirt konus sirt deyiladi.S nuqta konus sirtning uchi deb, AB chiziq yo’naltiruvchi deyiladi. Berilgan ta’rifga muvofiq, konus sirt ikki tomonga cheksiz ketgan kovak sirtdir. Konus sirt uning gorizontal (yoki boshqa) izi va uchining proyeksiyalari bilan berilishi mumkin.Konus sirtning hamma yasovchilarini kesib o’tgan biror tekislik bilan uchi orasidagi qismi konus deyiladi. Konusning hamma yasovchilarini kesuvchi tekislik bilan kesilishidan hosil bo’lgan har qanday shaklni konusning asosi deb qabul qilish mumkin.Agar konus sirt shu sirtning uchidan o’tgan va o’zaro perpendikulyar bo’lgan ikki tekislik bilan kesilganda teng va simmetrik bo’laklarga bo’linsa, bunday konusda simmetriya o’qi bo’ladi. Konus sirtning o’qi vazifasini ana shu simmetriya tekisliklarining kesishuv chizig’i bajaradi.

5.18-shakl
Konusning o’z simmetriya o’qiga perpendikulyar tekislik bilan kesilishidan hosil bo’lgan shakl konusning normal kesimi deyiladi. Normal kesimning shakliga qarab, konusga doiraviy, elliptik va hakazo degan qo’shimcha nomlari beriladi. Agar konusning asosi sifatida uning normal kesimi olingan bo’lsa, bu konus to’gri konus deyiladi ( 5.18-shakl). Konus sirtda yotgan biror nuqtaning proyeksiyalarini (x^/ , x) yasash uchun konusning shu nuqta orqali o’tgan yasovchisi (s^/ x^/ ,sx) dan foydalanish mumkin. Odatda, silindrlar va konuslar ocherklari yordami bilan beriladi.