2-sinf Fan : Ona tili Sana: Sinf

48-mashq. Rasmlarga qarang va so‘zlarni o‘qing.
Har bir so‘zning birinchi tovushini ayting. Havo og‘izdan qanday o‘tayotganini kuzating: erkin o‘tyaptimi yoki to‘siqqa uchrayaptimi?
Undosh tovushni aytganimizda havo og‘izda to‘siqqa uchraydi. Shuning uchun ch, k kabi undosh tovushlarni aytganimizda shovqin eshitiladi; b, j kabi tovushlarni aytganimizda shovqin va ovoz eshitiladi.
O‘zbek tilida 24 ta undosh tovush bor. Ular ushbu harflar bilan ifodalanadi: b, d, f, g, h, j (jo‘ja), j (ajdar), k, l, m, n, p, q, r, s, t, v, x, y, z, g‘, sh, ch, ng.
49-mashq. Nuqtalar o‘rniga qavs ichidagi harflar- dan mosini qo‘yib, so‘zlar tuzing va ularni yozing. Undosh tovushlarni ifodalagan harflarning tagiga chizing.
Qayi... (n, sh, q), zam...n (o, i), ku... (z, y, l, n, ch, t), ol...m (a,i)
Namuna: qayin, qayish, qayiq.
50-mashq. O‘qing.
YURTIMIZNING BOSH MAYDONI
Davlatimizning bosh maydoni Mustaqillik maydonidir. Unda muhtasham inshootlar bunyod etilgan. Biz bu maydon bilan faxrla- namiz.
Gap nima haqida boryapti? Davlat, mustaqillik, maydon so‘zlarining mazmunini bilib, yozing. Undosh tovushlarni ifodalagan harflarning tagiga chizing.
51-mashq. She’rni avval ichingizda (ovoz chiqarmay), keyin ovoz chiqarib o‘qing.

• 
  Nega bug‘doy bosh egar? —
  

Savol berdim dadamga.

• 
  Mehnatini olqishlab,
  

Ta’zim qilar odamga.
Tursunboy Adashboyev


She’rning oxirgi ikki qatorini yozing. Undosh tovushlarni ifodalagan harflarning tagiga chizing.