2. Операцион тизимларни танлаш ва ўрнатиш. Операцион тизимларнинг имкониятлари

ОПЕРАЦИОН СИСТЕМА СИФАТЛАРИ:

• Ишончлилик. Система ўзи бошқараётган компьютер қурилмалари каби ишончли бўлиши керак. Агар дастурда ёки қурилмада бирор хато учраса, уни система топа олиши ва бу хатони тузатишга ҳаракат қилиши, ҳеч бўлмаганда, шу хато туфайли фойдаланувчи дастурига етказиладиган зарарнинг олдини олиши керак.
• Ҳимоялаш. Ихтиёрий фойдаланувчи ўз ишига бошқа фойдаланувчиларнинг монелик қилишини хоҳламайди. Шу сабабли система фойдаланувчиларни дастур ва маълумотларини ўзгалар хатолари таъсиридан ҳамда аралашувидан ҳимоя қилиши лозим.

Самарадорлик. Одатда, операцион системанинг ўзи компьютернинг катта ресурсини эгаллайди. Бу ресурслар фойдаланувчи ихтиёрига берилмайди. Демак, системанинг ўзи анча ихчам бўлиши ва компьютер ресурсларини ҳар томонлама самарали бошқариши лозим.

• Самарадорлик. Одатда, операцион системанинг ўзи компьютернинг катта ресурсини эгаллайди. Бу ресурслар фойдаланувчи ихтиёрига берилмайди. Демак, системанинг ўзи анча ихчам бўлиши ва компьютер ресурсларини ҳар томонлама самарали бошқариши лозим.
• Қулайлик. Операцион системада кўп ҳолларда бир пайтда икки ва ундан ортиқ фойдаланувчи ишлайди. Улар операцион система орқали турли мақсадли ва турли алгоритмли масалаларни ҳал қилади. Равшанки, бундай ҳолда ҳар бир фойдаланувчига кенг қулайликлар яратилиши талаб этилади. Шу боис, мазкур хусусият операцион системанинг муҳим жиҳати ҳисобланади.

ОПЕРАЦИОН СИСТЕМАЛАРНИНГ ХАРАКТЕРЛИ ТОМОНЛАРИ:

• маълумотларни хотирада сақлашни ташкил этиш воситаси — файл системасидан фойдаланиш;
• имкониятлари турлича чегараланган кўп фойдаланувчилик жиҳатининг мавжудлиги;
• вақтни тақсимлаш асосидаги кўп масалалилик.

Ҳар қандай операцион система, асосан, қуйидаги 3 та вазифани бажаради:

• қурилмаларни (принтер, клавиатура, диск юритувчи ва бошқалар) бошқариш;
• дастурларни бошқариш (юклаш, бажариш ва бошқалар);
• буйруқлар ва кўрсатмаларни бажариш.