2. Motorga so‘rilayotgan havo harorati datchigi (dtv)

DAEWOO NEXIA avtomobili kislorod konsentratsiyasi datchigi

Bu datchik avtomobil markasiga qarab bitta yoki ikkita bo‘lishi mumkin. Birinchi datchik ish bajarib bo‘lgan gazlarning chiqish joyiga (kollektorga) neytralizatorgacha bo‘lgan joyda o‘rnatiladi. Motordan chiqib ketayotgan gaz tarkibidagi kislorod miqdorini shu datchik aniqlab EBB ga yuboradi. Gaz tarkibidagi kislorod datchikka tasir qilib unda kuchlanish paydo bo‘lishiga sababchi bo‘ladi. Masalan agar gaz tarkibidagi kislorod ko‘p bo‘lsa kuchlanish 0.1 V ni va teskarisi agar gaz tarkibidagi kislorod oz bo‘lsa 1 V ni tashkil qiladi.

Mana shu datchik bergan kattaliklarga qarab EBB yonilg‘ini forsunkaga qanday miqdorda bershga komanda beradi. Ikkinchi datchik (diagnostika uchun ham ishlatiladi) neytralizatordan keyin o‘rnatiladi. Ishlash prinsipi xuddi o‘sha birinchi datchikka o‘xshagan. Agar neytralizator to‘g‘ri ishlayotgan bo‘lsa birinchi datchik ko‘rsatgi bilan ikkinchi datchik ko‘rsatishi orasida ancha farq bo‘ladi.

Datchikni almashtirish uchun esa ustaga TORX T25 kaliti kerak bo‘ladi.

Ogohlantirish:

Ish bajarib bo‘lgan gazlar chiqadigan kollektor ish dovomida nihoyat qizib ketishi mumkin. SHuning uchun ishga kirishishdan oldin hamma detallar sovishini kutish maqsadga muvofiq bo‘ladi.

1. Akkumulyatordan "minus"klemma uziladi.

2. Datchikdan sim bog‘lamini uzamiz.

3. “Issiqlik ekrani” qotirilgan boltlar bo‘shatiladi.

 4. Kollektor ustidan shu ekranni echib olamiz.

5. Datchik qotirilgan gaykani bo‘shatamiz.

6. Datchikni burab echib olamiz.

 7. Joyiga qo‘yish uchun esa teskari tartibda o‘rnatiladi.